bewa

aaj le rishta-e-paimān-e-vafā TuuT gayā

tujh se ab tere tasavvur kā ḳhudā ruuTh gayā

ab koī kaagā munDerī pe nahīñ bolegā

koī harkāra tirā ḳhat bhī nahīñ lā.egā

koī paiġhām-e-zabānī bhī nahīñ aa.egā

log ab zaḳhm pe marham bhī na rakhne deñge

din-ba-din zaḳhm tire aur bhī gahre hoñge

terī har raah ke har moḌ pe pahre hoñge

kis ko mālūm ki kab tere shikasta dil par

kaun kah saktā hai kis vaqt qayāmat aa jaa.e

vaqt ke haath meñ kab sang-e-malāmat aa jaa.e

aaj le rishta-e-paiman-e-wafa TuT gaya

tujh se ab tere tasawwur ka KHuda ruTh gaya

ab koi kaga munDeri pe nahin bolega

koi harkara tera KHat bhi nahin laega

koi paigham-e-zabani bhi nahin aaega

log ab zaKHm pe marham bhi na rakhne denge

din-ba-din zaKHm tere aur bhi gahre honge

teri har rah ke har moD pe pahre honge

kis ko malum ki kab tere shikasta dil par

kaun kah sakta hai kis waqt qayamat aa jae

waqt ke hath mein kab sang-e-malamat aa jae