aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bewa aur barsat

Saqib Kanpuri

bewa aur barsat

Saqib Kanpuri

MORE BYSaqib Kanpuri

    chhā.ī huī hai tīrgī us pe ye muñh hai jhaḌī

    raat kaTegī kis tarah hashr-numā hai har ghaḌī

    dekhtī hai sū-e-falak haa.e taras taras ke aañkh

    aur mujhe Dubo.egī aaj baras baras ke aañkh

    girya-e-be-asar mirā apnā asar dikhā.e kyā

    dil lagī bujhā.e kyā dil lagī bujhā.e kyā

    aaj ye abr garaj ḳhuub rulā.egī mujhe

    lūñgī hazār karvaTeñ niiñd na aa.egī mujhe

    siine meñ dil kabāb hai mujh se ho sabr kis tarah

    ek balā shabāb hai mujh se ho jabr kis tarah

    kauñd rahī haiñ bijliyāñ abr zor-shor hai

    maiñ huuñ ki be-qarār huuñ tum ho ki ḳhvāb-e-gor hai

    maiñ ne sahe haiñ dukh pe dukh umr kaTegī yaas meñ

    tab.a ko intishār hai aur ḳhalal havās meñ

    zabt kahāñ se lā.ūñ maiñ sard havā ko dekh kar

    jaan pe hai banī huī shab fazā ko dekh kar

    barq teġh hai sitam siina figār kyoñ na ho

    zaḳhm-e-jigar hare hue yād-e-bahār kyoñ na ho

    raat baat yaad hai raat pyaar yaad hai

    nīñd-bharī vo chashm-e-mast us ḳhumār yaad hai

    hai ye janāza-e-shabāb ki mirā palañg hai

    aah tumheñ ḳhabar nahīñ jaan se koī tañg hai

    kyā vo ḳhush-nasīb haiñ raaj hai aur suhāg hai

    motiyoñ se bharī hai maañg rañg hai aur raag hai

    kyā vo ḳhush-nasīb haiñ jin ke liye siñgār hai

    aah mirā shabāb-e-husn rañj se ham-kanār hai

    kuuk rahī haiñ koyaleñ jhuum rahī haiñ Dāliyāñ

    paapī papīhā is taraf bol rahā hai kahāñ

    hai kahāñ batā.ūñ kyā qissa-e-ġham sunā.ūñ kyā

    maut bhī rāhbar nahīñ surāġh pā.ūñ kyā

    uf ye kaleje dhaḌak haa.e ye āh-o-zāriyāñ

    ḳhalq hai mīThī niiñd meñ mujh ko haiñ be-qarāriyāñ

    josh hai pā.emāl-e-ġham past haiñ ke hausle

    rasm-o-rivāj asar miT rahā hai valvale

    chhai hui hai tirgi us pe ye munh ki hai jhaDi

    raat kaTegi kis tarah hashr-numa hai har ghaDi

    dekhti hai su-e-falak hae taras taras ke aankh

    aur mujhe Duboegi aaj baras baras ke aankh

    girya-e-be-asar mera apna asar dikhae kya

    dil ki lagi bujhae kya dil ki lagi bujhae kya

    aaj ye abr ki garaj KHub rulaegi mujhe

    lungi hazar karwaTen nind na aaegi mujhe

    sine mein dil kabab hai mujh se ho sabr kis tarah

    ek bala shabab hai mujh se ho jabr kis tarah

    kaund rahi hain bijliyan abr ka zor-shor hai

    main hun ki be-qarar hun tum ho ki KHwab-e-gor hai

    main ne sahe hain dukh pe dukh umr kaTegi yas mein

    taba ko intishaar hai aur KHalal hawas mein

    zabt kahan se laun main sard hawa ko dekh kar

    jaan pe hai bani hui shab ki faza ko dekh kar

    barq ki tegh hai sitam sina figar kyon na ho

    zaKHm-e-jigar hare hue yaad-e-bahaar kyon na ho

    raat ki baat yaad hai raat ka pyar yaad hai

    nind-bhari wo chashm-e-mast us ka KHumar yaad hai

    hai ye janaza-e-shabab ya ki mera palang hai

    aah tumhein KHabar nahin jaan se koi tang hai

    kya hi wo KHush-nasib hain raj hai aur suhag hai

    motiyon se bhari hai mang rang hai aur rag hai

    kya hi wo KHush-nasib hain jin ke liye singar hai

    aah mera shabab-e-husn ranj se ham-kanar hai

    kuk rahi hain koyalen jhum rahi hain Daliyan

    papi papiha is taraf bol raha hai pi kahan

    pi hai kahan bataun kya qissa-e-gham sunaun kya

    maut bhi rahbar nahin pi ka suragh paun kya

    uf ye kaleje ki dhaDak hae ye aah-o-zariyan

    KHalq hai miThi nind mein mujh ko hain be-qarariyan

    josh hai paemal-e-gham past hain ji ke hausle

    rasm-o-riwaj ka asar miT raha hai walwale

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now