bewa ki fariyaad

Arsh Malsiyani

bewa ki fariyaad

Arsh Malsiyani

MORE BYArsh Malsiyani

    INTERESTING FACT

    (Be-Atf-o-Izafat) (1939)

    kisī yaad dil meñ hai ki jis se niDhāl hai

    kahūñ agar to kyā kahūñ ajab tarah haal hai

    na vo zamīñ na vo falak na ab vo kā.enāt hai

    vo zindagī ab nahīñ na din hai vo na raat hai

    vo aarzū hai kaun jo aaj pā-ba-gil nahīñ

    hai naam dil dil magar jo sach kahūñ to dil nahīñ

    ghaTā uThī to hai magar papīhā aaj gaay kyā

    taḌap mirī miTā.e kyā lagī mirī bujhā.e kyā

    vo prem se bhare bachan ki jin se kān-āshnā

    vo mast aañkh mad-bharī ki jis se jaan āshnā

    vo baat baat par hañsī vo chheḌ pyaar pyaar meñ

    qarār ik taḌap meñ vo taḌap vo ik qarār meñ

    kabhī udhar se tāknā kabhī udhar se dekhnā

    vo mere dil ke shauq ko mirī nazar se dekhnā

    ġharaz vo din ki jab mire chaman meñ ik bahār thī

    ġharaz vo din ki jab ḳhushī mire liye siñgār thī

    ġharaz vo din ki naġhma-zan masarratoñ saaz thā

    ġharaz vo din ki husn jab mirā nazar-navāz thā

    ġharaz vo din ki jab se dil nishān ġham duur thā

    ġharaz vo din ki aañkh meñ bharā huā surūr thā

    ġharaz vo din ki maiñ bhī jab kisī ke dil naaz thī

    ġharaz vo din niyāz ke ki jab maiñ be-niyāz thī

    ġharaz vo din ḳhayāl thā ki ab na jā.eñge kabhī

    chale ga.e kuchh is tarah ki phir na ā.eñge kabhī

    ġhazab ye hai shabāb meñ mirā suhāg luT gayā

    safar meñ thā jo ham-safar usī saath chhuT gayā

    ye sach hai mujh ġharīb koī rafīq ab nahīñ

    ye sach hai ġham-nasīb koī shafīq ab nahīñ

    fuġhāñ meñ ab vo josh hai ki jis intihā nahīñ

    jigar meñ ab vo dard hai ki jis kuchh davā nahīñ

    ḳhayāl hai ḳhizāñ meñ bhī mujhe usī bahār

    ġhazab hai chhoḌtā nahīñ fareb intizār

    ajal ek shakl hai ye dard is balā hai

    davā karūñ to kyā karūñ ki vaqt ab duā hai

    mirī tarah na zindagī kisī yuuñ ajiib ho

    nasīb maut ho agar to zindagī nasīb ho

    kisi ki yaad dil mein hai ki jis se ji niDhaal hai

    kahun agar to kya kahun ajab tarah ka haal hai

    na wo zamin na wo falak na ab wo kaenat hai

    wo zindagi hi ab nahin na din hai wo na raat hai

    wo aarzu hai kaun si jo aaj pa-ba-gil nahin

    hai nam dil ka dil magar jo sach kahun to dil nahin

    ghaTa uThi to hai magar papiha aaj gay kya

    taDap meri miTae kya lagi meri bujhae kya

    wo prem se bhare bachan ki jin se kan-ashna

    wo mast aankh mad-bhari ki jis se jaan aashna

    wo baat baat par hansi wo chheD pyar pyar mein

    qarar ek taDap mein wo taDap wo ek qarar mein

    kabhi udhar se takna kabhi udhar se dekhna

    wo mere dil ke shauq ko meri nazar se dekhna

    gharaz wo din ki jab mere chaman mein ek bahaar thi

    gharaz wo din ki jab KHushi mere liye singar thi

    gharaz wo din ki naghma-zan masarraton ka saz tha

    gharaz wo din ki husn jab mera nazar-nawaz tha

    gharaz wo din ki jab se dil nishan gham ka dur tha

    gharaz wo din ki aankh mein bhara hua surur tha

    gharaz wo din ki main bhi jab kisi ke dil ka naz thi

    gharaz wo din niyaz ke ki jab main be-niyaz thi

    gharaz wo din KHayal tha ki ab na jaenge kabhi

    chale gae kuchh is tarah ki phir na aaenge kabhi

    ghazab ye hai shabab mein mera suhag luT gaya

    safar mein tha jo ham-safar usi ka sath chhuT gaya

    ye sach hai mujh gharib ka koi rafiq ab nahin

    ye sach hai gham-nasib ka koi shafiq ab nahin

    fughan mein ab wo josh hai ki jis ki intiha nahin

    jigar mein ab wo dard hai ki jis ki kuchh dawa nahin

    KHayal hai KHizan mein bhi mujhe usi bahaar ka

    ghazab hai chhoDta nahin fareb intizar ka

    ajal ki ek shakl hai ye dard is bala ka hai

    dawa karun to kya karun ki waqt ab dua ka hai

    meri tarah na zindagi kisi ki yun ajib ho

    nasib maut ho agar to zindagi nasib ho

    Source:

    • Book : Kulliyat-e-Arsh (Pg. 209)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY