bhagalpur-2

ye tirī shakl hai ki chāñd kā raushan chehra

ye sitāre

tirī āñkhoñ se damakte kyuuñ haiñ

ye tirī shoḳh adāoñ sī

sanaktī purvā

jo mire sar se dupaTTe ko girā detī hai

ḳhushk bāloñ ko zarā aur uḌā detī hai

ye tirī yaad ke jugnū haiñ

ki shabnam qatre

jis se be-ḳhvāb nigāhoñ kī

zamīñ giilī hai

koī aahaT na hī dastak ki galī suunī hai

gar mujhe

vaqt ke tevar kā patā jo hotā

ghar kī dahlīz se bāhar nahīñ jaane detī

saare darvāzoñ

darīchoñ ko muqaffal rakhtī

suunī āñkhoñ meñ chhupā letī maiñ

kājal kī tarah

apnī bāñhoñ ke hisāroñ meñ muqayyad rakhtī

mire bachche

jo mujhe kaash ḳhabar ye hotī

ek do pal meñ mirā shahr hai jalne vaalā

ye teri shakl hai ki chand ka raushan chehra

ye sitare

teri aankhon se damakte kyun hain

ye teri shoKH adaon si

sanakti purwa

jo mere sar se dupaTTe ko gira deti hai

KHushk baalon ko zara aur uDa deti hai

ye teri yaad ke jugnu hain

ki shabnam qatre

jis se be-KHwab nigahon ki

zamin gili hai

koi aahaT na hi dastak ki gali suni hai

gar mujhe

waqt ke tewar ka pata jo hota

ghar ki dahliz se bahar nahin jaane deti

sare darwazon

darichon ko muqaffal rakhti

suni aankhon mein chhupa leti main

kajal ki tarah

apni banhon ke hisaron mein muqayyad rakhti

mere bachche

jo mujhe kash KHabar ye hoti

ek do pal mein mera shahr hai jalne wala