bhaarat ki adaen
ik duniyā ko taḌpātī haiñ jānāna adā.eñ bhārat kī
par dil par choT lagātī haiñ pur-dard sadā.eñ bhārat kī
vo is kī zamīñ vo is kā falak vo chāñd kī vo sūraj kī chamak
vo tāroñ kī bāham chashmak dilkash vo fazā.eñ bhārat kī
āñkhoñ ko ThanDak detī haiñ man kī chintā har letī haiñ
ākāsh pe jab chhā jaatī haiñ ghanghor ghaTā.eñ bhārat kī
ik baar yahāñ jo aatā hai bas bhārat kā ho jaatā hai
har dil kī jot jagātī haiñ rangīn fazā.eñ bhārat kī
bhārat-bāsī izzat paa.eñ phir in ke achchhe din aa.e
is ik maqsad par mil jaa.eñ jitnī haiñ sabhā.eñ bhārat kī
phir aish-o-tarab ke saaz bajeñ phir des ko apne bhaag lageñ
phir ek-ik kar ke puurī hoñ saarī ichhā.eñ bhārat kī
duniyā ke hilā.e hil na sakeñ duniyā ke miTā.e miT na sakeñ
kuchh aisī haiñ kuchh aisī haiñ mazbūt binā.eñ bhārat kī
'nayyar' ham apnī ḳhidmat se firdaus banā deñ bhārat ko
phir is duniyā meñ az-sar-e-nau ham qadr baḌhā.eñ bhārat kī
ek duniya ko taDpati hain jaanana adaen bhaarat ki
par dil par choT lagati hain pur-dard sadaen bhaarat ki
wo is ki zamin wo is ka falak wo chand ki wo suraj ki chamak
wo taron ki baham chashmak dilkash wo fazaen bhaarat ki
aankhon ko ThanDak deti hain man ki chinta har leti hain
aakash pe jab chha jati hain ghanghor ghaTaen bhaarat ki
ek bar yahan jo aata hai bas bhaarat ka ho jata hai
har dil ki jot jagati hain rangin fazaen bhaarat ki
bhaarat-basi izzat paen phir in ke achchhe din aae
is ek maqsad par mil jaen jitni hain sabhaen bhaarat ki
phir aish-o-tarab ke saz bajen phir des ko apne bhag lagen
phir ek-ik kar ke puri hon sari ichhaen bhaarat ki
duniya ke hilae hil na saken duniya ke miTae miT na saken
kuchh aisi hain kuchh aisi hain mazbut binaen bhaarat ki
'nayyar' hum apni KHidmat se firdaus bana den bhaarat ko
phir is duniya mein az-sar-e-nau hum qadr baDhaen bhaarat ki
Source:
(Pg. 57)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.