bhagwan-ram

zindagī itrā rahī hai aaj tere naam par

naaz hai paiġhambaroñ ko bhī tire paiġhām par

rahbar-e-insāniyat terī aqīdat ke tufail

ham ne ġhalba pā liyā hai gardish-e-ayyām par

mere dil kī vus.ateñ añgḌā.iyāñ lene lagīñ

jalva dekhā jab tirā har moḌ par har gaam par

kyuuñ na ho phir āqibat kī fikr se vo be-niyāz

zindagī qurbān kar dī jis ne tere naam par

maujzan hai jis meñ ai charḳh ik surūr-e-sarmadī

merī duniyā hai tasadduq is chhalakte jaam par

zindagi itra rahi hai aaj tere nam par

naz hai paighambaron ko bhi tere paigham par

rahbar-e-insaniyat teri aqidat ke tufail

hum ne ghalba pa liya hai gardish-e-ayyam par

mere dil ki wusaten angDaiyan lene lagin

jalwa dekha jab tera har moD par har gam par

kyun na ho phir aaqibat ki fikr se wo be-niyaz

zindagi qurban kar di jis ne tere nam par

maujzan hai jis mein ai charKH ek surur-e-sarmadi

meri duniya hai tasadduq is chhalakte jam par