bichhDa lamha

khujūroñ ke peḌoñ se thoḌā sā uupar

javāñ musta.id chāñd

tanhā khaḌā

mire ghar mire shahr kī pahra-dārī meñ masrūf thā

chāñd kī narm doshīza kirneñ

mire vāste niiñd kā jaal sā bun rahī thiiñ

achānak fazāoñ meñ anqarīb chīḳhe

zamīñ kī taraf bhūkī chīloñ kī mānind jhapTe

jhapaTte rahe

zamān-o-makāñ ek lamhe pe aa kar Thahar se ga.e

usī ek lamhe ne saarī fazā par

kisī būḌhī beva kī chādar uḌā dī

ki jis meñ faqat maut kī hasrateñ thiiñ

aur agle hī lamhe ne baḌh kar sadā dī

ye lamha jo ham se bichhaḌ kar girā hai

hamārā nahīñ thā

khujuron ke peDon se thoDa sa upar

jawan mustaid chand

tanha khaDa

mere ghar mere shahr ki pahra-dari mein masruf tha

chand ki narm doshiza kirnen

mere waste nind ka jal sa bun rahi thin

achanak fazaon mein anqarib chiKHe

zamin ki taraf bhuki chilon ki manind jhapTe

jhapaTte rahe

zaman-o-makan ek lamhe pe aa kar Thahar se gae

usi ek lamhe ne sari faza par

kisi buDhi bewa ki chadar uDa di

ki jis mein faqat maut ki hasraten thin

aur agle hi lamhe ne baDh kar sada di

ye lamha jo hum se bichhaD kar gira hai

hamara nahin tha