biwiyan

shādī ke ba.ad ghar meñ jab aatī haiñ bīviyāñ

sharm-o-hayā kā Dhoñg rachātī haiñ bīviyāñ

pahle to shauharoñ ko paTātī haiñ bīviyāñ

tigunī kā naach phir ye nachātī haiñ bīviyāñ

har shab shab-barāt banātī haiñ bīviyāñ

kuchh din ke ba.ad chhakke chhuḌātī haiñ bīviyāñ

pahle-pahal to kahtī haiñ tum ho mire balam

tum mil ga.e to ho ga.e duniyā ke duur ġham

tum par hazār jaan se qurbān maiñ sanam

kuchh din ke ba.ad kahtī haiñ shauhar ko phir ḳhasm

pahle to ḳhuub sar pe chaḌātī haiñ bīviyāñ

qadmoñ meñ is ke ba.ad girātī haiñ bīviyāñ

khā khā ke gosht weight na apnā baḌhā.iye

jo maiñ banā rahī huuñ vo chup-chāp khā.iye

is vaqt ghar meñ aa.iye us vaqt jā.iye

jaanā kahāñ hai jaane se pahle batā.iye

is tarah control meñ laatī haiñ bīviyāñ

hākim ko bhī ġhulām banātī haiñ bīviyāñ

vo santarī ho koī ki ho koī mantarī

hotā hai haavī sab pe hī ehsās-e-kamtarī

kaisā bhī sher-dil ho bahādur ho yā jarī

rahtī hai jin ke ḳhauf se duniyā Darī Darī

aise bahāduroñ ko dabātī haiñ bīviyāñ

phir uñgliyoñ pe un ko nachātī haiñ bīviyāñ

bachchoñ kī baat chhoḌiye begam kā hai ye haal

ġhusse meñ yuuñ samajhiye ki har shai pe hai zavāl

samjhā.e kaun aise meñ kis kī hai ye majāl

is shor-o-ġhul meñ shā.erī karnā bhī hai muhāl

qaiñchī-sifat zabān chalātī haiñ bīviyāñ

Tar-Tar se phir dimāġh dukhātī haiñ bīviyāñ

sasurāl meñ ho shādī to ḳharcha ho kam janāb

maike meñ hai to ḳharch ye kartī haiñ be-hisāb

vo saas yā sasur hoñ ki devar ho sab ḳharāb

aayā huā hai maike se kuttā bhī lā-javāb

kuchh is tarah dimāġh pe chhātī haiñ bīviyāñ

shauhar ke rishte-dār chhuḌātī haiñ bīviyāñ

shadi ke baad ghar mein jab aati hain biwiyan

sharm-o-haya ka Dhong rachati hain biwiyan

pahle to shauharon ko paTati hain biwiyan

tiguni ka nach phir ye nachati hain biwiyan

har shab shab-baraat banati hain biwiyan

kuchh din ke baad chhakke chhuDati hain biwiyan

pahle-pahal to kahti hain tum ho mere balam

tum mil gae to ho gae duniya ke dur gham

tum par hazar jaan se qurban main sanam

kuchh din ke baad kahti hain shauhar ko phir KHasm

pahle to KHub sar pe chaDati hain biwiyan

qadmon mein is ke baad giraati hain biwiyan

kha kha ke gosht weight na apna baDhaiye

jo main bana rahi hun wo chup-chap khaiye

is waqt ghar mein aaiye us waqt jaiye

jaana kahan hai jaane se pahle bataiye

is tarah control mein lati hain biwiyan

hakim ko bhi ghulam banati hain biwiyan

wo santari ho koi ki ho koi mantari

hota hai hawi sab pe hi ehsas-e-kamtari

kaisa bhi sher-dil ho bahadur ho ya jari

rahti hai jin ke KHauf se duniya Dari Dari

aise bahaduron ko dabaati hain biwiyan

phir ungliyon pe un ko nachati hain biwiyan

bachchon ki baat chhoDiye begam ka hai ye haal

ghusse mein yun samajhiye ki har shai pe hai zawal

samjhae kaun aise mein kis ki hai ye majal

is shor-o-ghul mein shaeri karna bhi hai muhaal

qainchi-sifat zaban chalati hain biwiyan

Tar-Tar se phir dimagh dukhati hain biwiyan

sasural mein ho shadi to KHarcha ho kam janab

maike mein hai to KHarch ye karti hain be-hisab

wo sas ya sasur hon ki dewar ho sab KHarab

aaya hua hai maike se kutta bhi la-jawab

kuchh is tarah dimagh pe chhati hain biwiyan

shauhar ke rishte-dar chhuDati hain biwiyan