bila-unwan

dhadhak rahī hai dil meñ mere koī shai

na.ī ḳhalish

ki vo junūn ab purānā ho gayā

ḳhayāl vo

ki mil ke koī mil nahīñ sakā mujhe

udāsiyoñ ke āsmāñ meñ kho gayā

'ajīb sāniha huā

guzishta shab

maiñ kitnī jaldī so gayā

maiñ be-sukūn ho gayā huuñ

apne is sukūn se

sukūn chāhiye mujhe

phir ek jā’da-bint-e-ash’at-e-zamāñ

jo itnā tez zahr de

lagā.ūñ jab laboñ se zarf-e-āb maiñ

to mere muñh se dil mirā nikal paḌe

zabāñ pe phir vo zā.iqa

vo ḳhuun chāhiye mujhe

koī nayā junūn chāhiye mujhe

dhadhak rahi hai dil mein mere koi shai

nai KHalish

ki wo junun ab purana ho gaya

KHayal wo

ki mil ke koi mil nahin saka mujhe

udasiyon ke aasman mein kho gaya

'ajib saniha hua

guzishta shab

main kitni jaldi so gaya

main be-sukun ho gaya hun

apne is sukun se

sukun chahiye mujhe

phir ek ja’da-bint-e-ash’at-e-zaman

jo itna tez zahr de

lagaun jab labon se zarf-e-ab main

to mere munh se dil mera nikal paDe

zaban pe phir wo zaiqa

wo KHun chahiye mujhe

koi naya junun chahiye mujhe