abhi mujhse kisi ko mohabbat nahin hui

Ziyaul Hasan

abhi mujhse kisi ko mohabbat nahin hui

Ziyaul Hasan

MORE BYZiyaul Hasan

    abhī mujh se kisī ko mohabbat nahīñ huī

    so dil ke baaġh meñ phuul bhī nahīñ khile

    mujhe har aurat ke siine par pistān

    aur rānoñ ke biich qaus nazar aatī hai

    abhī mohabbat shurūa nahīñ huī

    maiñ har ham-bistarī ke ba.ad bezār ho jaatā huuñ

    aur phir se us kaam ke liye tayār ho jaatā huuñ

    maiñ pistānoñ aur rānoñ meñ

    mohabbat talāsh karne ke kār-e-be-sūd meñ masrūf huuñ

    mohabbat ke mausam tak

    ishrat ke raste jaayā saktā

    to maiñ kab pahuñch gayā hotā

    nazar kartā huuñ to lagtā hai

    zindagī se kuchh aur bhī duur nikal aayā huuñ

    mujhe maut se Dar lagne lagā hai

    kyūñki abhī mujh se kisī ko mohabbat nahīñ huī

    qatl-e-ām jaarī hai

    agle paḌāv tak

    kār-e-mohabbat mauqūf kar diyā gayā hai

    qismat ko kāġhaz ke TukḌoñ

    aur bārūd se munsalik kar diyā gayā hai

    ābādī mas.ala darpesh hai

    mohabbat ko kisī fāriġh vaqt par uThā diyā gayā hai

    bahār aane tak

    ye mausam to tai karnā paḌegā

    abhi mujh se kisi ko mohabbat nahin hui

    so dil ke bagh mein phul bhi nahin khile

    mujhe har aurat ke sine par pistan

    aur ranon ke bich qaus nazar aati hai

    abhi mohabbat shurua nahin hui

    main har ham-bistari ke baad bezar ho jata hun

    aur phir se us kaam ke liye tayar ho jata hun

    main pistanon aur ranon mein

    mohabbat talash karne ke kar-e-be-sud mein masruf hun

    mohabbat ke mausam tak

    ishrat ke raste jaya ja sakta

    to main kab ka pahunch gaya hota

    nazar karta hun to lagta hai

    zindagi se kuchh aur bhi dur nikal aaya hun

    mujhe maut se Dar lagne laga hai

    kyunki abhi mujh se kisi ko mohabbat nahin hui

    qatl-e-am jari hai

    agle paDaw tak

    kar-e-mohabbat mauquf kar diya gaya hai

    qismat ko kaghaz ke TukDon

    aur barud se munsalik kar diya gaya hai

    aabaadi ka masala darpesh hai

    mohabbat ko kisi farigh waqt par uTha diya gaya hai

    bahaar aane tak

    ye mausam to tai karna paDega

    Source :
    • Book : Jalta Hai Badan (Pg. 75)
    • Author : Zahid Hasan
    • Publication : Apnaidara, Lahore (2002)
    • Edition : 2002

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now