chup

MORE BYAbdur Rasheed

    raat kaalī bārish ne

    chehroñ vardī

    kīchaḌ se bhar hai

    mere siine ke pinjre meñ

    ḳhuun gardish karne vaalā laTTū

    nafrat ke paudoñ ke uupar

    ghuum rahā hai

    tum ne aise kāñTe

    merī shiryānoñ meñ bo.e haiñ

    aisī dopahroñ zardī

    mere gāloñ pe liipī hai

    ki maiñ bistar shiknoñ meñ

    apnī āñkheñ bo kar rotā huuñ

    pahlī baar jab ġham putlī qaash ko

    chehre se nochā thā

    jab ġhurbat ke aurāq

    havā meñ uḌte the

    jab ḳhālī me.ade tasvīr banā kar

    us meñ chīzeñ rakhtā thā

    phaTe hue kapḌoñ meñ jab

    tasvīr chhupā kar rakhtā thā

    merī shahvat

    kuñvār pane dahlīzoñ par

    apnā ḳhutba likhtī thī

    biis baras un galiyoñ dīvāroñ se

    Takrā Takrā kar

    mere kañdhe ret ke pushte ban kar

    Dhete jaate haiñ

    maiñ jo terī rānoñ ke jañgal meñ

    kaale phuul ko toḌne niklā thā

    ab dekh rahā huuñ

    dil korī miTTī meñ

    tere jism patlī shāḳheñ ugī huī thiiñ

    aur ik āvāra sannāTā

    chhatoñ par bhārī qadmoñ se

    baḌī āhistagī ke saath chaltā hai

    to vo chupke se mere paas aatī hai

    aur apne dhīme lahje meñ

    vo saarī dāstāneñ kah sunātī hai

    jinheñ sun kar maiñ dhīmī aañch par

    pahroñ sulagtā huuñ

    kisī girje ke vīrāñ lawn meñ

    jab january

    apne sunahrī gesuoñ ko khol kar

    koī purānā giit gaatī hai

    to vo ik an-chhūī nan tarah

    patthar ke benchoñ par

    mire kāñdhe par sar rakhe

    mire chehre pe apnī uñgliyoñ meñ

    kabhī jab shaam rotī hai

    siyah kaafī ke pyāloñ se

    lapaktī bhaap meñ

    phir āñdhī aamad se aisī gard huī

    aisā habs mirī sāñsoñ meñ phailā

    tere jism kashtī meñ

    maiñ apne kapḌe bhuul aayā

    par tum ne aadhī raat ko aisī chuTkī

    niiñd Dholak

    ghuTnoñ zarboñ se chaknāchūr huī

    ab muñh se shīra bahtā hai

    un zaḳhmoñ

    jin ke Tāñke andar andar TuuTe haiñ

    bijlī tāroñ ke uupar

    kavve qatār meñ baiThe haiñ

    bārish ke paanī meñ jin ke

    askarī baazū hilte haiñ

    rānoñ ye niilī varīdeñ

    jin meñ duā naqshī kuuza

    ulaT gayā hai

    maiñ ne un galiyoñ meñ

    apne marne afvāh sunī hai

    ḳhush-ilhān mo.azzin

    āvāz se chiḌiyāñ uḌtī haiñ

    ai rastoñ rādhā

    tere vasl ḳhātir

    jism ke nijī hisse dho kar

    lauT ke phir maiñ aayā huuñ

    mere badan pe

    sabr ke niile dhabbe haiñ

    pusht pe

    ham-jinsī ke aañsū haiñ

    niim ke peḌ ke DanThal haiñ

    jo merī kamar meñ bo.e haiñ

    kachnār ke sūkhe patte haiñ

    maiñ jin ko pakā kar khātā huuñ

    chaar dahā.īyoñ se maiñ gande

    parnāle ke nīche istāda huuñ

    samajh rahā huuñ

    chup bārish ye mailā paanī hai

    ye paanī jo siine ke bāloñ se gir kar

    fotoñ ko tar kartā hai

    Dol meñ bhar kar

    shor ālūd zamīñ par

    girtā jaatā hai

    merī chup ne

    rastoñ ko pāmāl kiyā hai

    merī chup ne saañp kunDlī meñ se

    zahr nichoḌā hai

    mujh ko apne kandhoñ ke

    zerīñ hissoñ ke hamle se

    be-quvvat kar Daalā hai

    raat ki kali barish ne

    chehron ki wardi

    kichaD se bhar di hai

    mere sine ke pinjre mein

    KHun ka gardish karne wala laTTu

    nafrat ke paudon ke upar

    ghum raha hai

    tum ne aise kanTe

    meri shiryanon mein boe hain

    aisi dopahron ki zardi

    mere galon pe lipi hai

    ki main bistar ki shiknon mein

    apni aankhen bo kar rota hun

    pahli bar jab gham ki putli qash ko

    chehre se nocha tha

    jab ghurbat ke auraq

    hawa mein uDte the

    jab KHali meade ki taswir bana kar

    us mein chizen rakhta tha

    phaTe hue kapDon mein jab

    taswir chhupa kar rakhta tha

    meri shahwat

    kunwar pane ki dahlizon par

    apna KHutba likhti thi

    bis baras un galiyon ki diwaron se

    Takra Takra kar

    mere kandhe ret ke pushte ban kar

    Dhete jate hain

    main jo teri ranon ke jangal mein

    kale phul ko toDne nikla tha

    ab dekh raha hun

    dil ki kori miTTi mein

    tere jism ki patli shaKHen ugi hui thin

    aur ek aawara sannaTa

    chhaton par bhaari qadmon se

    baDi aahistagi ke sath chalta hai

    to wo chupke se mere pas aati hai

    aur apne dhime lahje mein

    wo sari dastanen kah sunati hai

    jinhen sun kar main dhimi aanch par

    pahron sulagta hun

    kisi girje ke viran lawn mein

    jab january

    apne sunahri gesuon ko khol kar

    koi purana git gati hai

    to wo ek an-chhui nan ki tarah

    patthar ke benchon par

    mere kandhe par sar rakhe

    mere chehre pe apni ungliyon mein

    kabhi jab sham roti hai

    siyah kafi ke pyalon se

    lapakti bhap mein

    phir aandhi ki aamad se aisi gard hui

    aisa habs meri sanson mein phaila

    tere jism ki kashti mein

    main apne kapDe bhul aaya

    par tum ne aadhi raat ko aisi chuTki li

    nind ki Dholak

    ghuTnon ki zarbon se chaknachur hui

    ab munh se shira bahta hai

    un zaKHmon ka

    jin ke Tanke andar hi andar TuTe hain

    bijli ki taron ke upar

    kawwe qatar mein baiThe hain

    barish ke pani mein jin ke

    askari bazu hilte hain

    ranon ki ye nili wariden

    jin mein dua ka naqshi kuza

    ulaT gaya hai

    main ne un galiyon mein

    apne marne ki afwah suni hai

    KHush-ilhan moazzin ki

    aawaz se chiDiyan uDti hain

    ai raston ki radha

    tere wasl ki KHatir

    jism ke niji hisse dho kar

    lauT ke phir main aaya hun

    mere badan pe

    sabr ke nile dhabbe hain

    pusht pe

    ham-jinsi ke aansu hain

    nim ke peD ke DanThal hain

    jo meri kamar mein boe hain

    kachnar ke sukhe patte hain

    main jin ko paka kar khata hun

    chaar dahaiyon se main gande

    parnale ke niche istada hun

    samajh raha hun

    chup ki barish ka ye maila pani hai

    ye pani jo sine ke baalon se gir kar

    foton ko tar karta hai

    Dol mein bhar kar

    shor aalud zamin par

    girta jata hai

    meri chup ne

    raston ko pamal kiya hai

    meri chup ne sanp ki kunDli mein se

    zahr nichoDa hai

    mujh ko apne kandhon ke

    zerin hisson ke hamle se

    be-quwwat kar Dala hai

    Source :
    • Book : Jalta Hai Badan (Pg. 80)
    • Author : Zahid Hasan
    • Publication : Apnaidara, Lahore (2002)
    • Edition : 2002

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now