kosa dudh

Shahzad Hasan

kosa dudh

Shahzad Hasan

MORE BYShahzad Hasan

    to ye duudh kosā hai!

    ye duudh hai aur kosā hai

    jis se badan naseñ uuñgh jaatī haiñ

    jis se mire dil bā-qā.edā dhaḌkanoñ meñ

    izāfe sūrat nahīñ

    ye vahī duudh hai jis ko farhād garmi-e-shauq ne

    bīstoñ siyah choTiyoñ se utārā

    is ke lahū harārat juuyā huā

    phir bhī kosā rahā

    ye vahī duudh hai

    chāñdnī ban ke jo garmiyoñ ke kisī maah chaudhvīñ raat ko

    āsmāñ par zamīñ par diloñ meñ nigāhoñ meñ

    bahtā hai lekin

    kisī ke laboñ ko jalātā nahīñ hai

    ye sūraj saaya hai laavā nahīñ hai!

    tum apne piyāle ko bhaTTī meñ rakh do!

    ki ye duudh ubaltā rahe

    ye pyāla bhī Dhal jaa.e

    ye duudh jal jaa.e

    aur is tarah mushk-e-nāfā bane

    jis ḳhushbū tāqat na laa.e koī shaḳhs bhī

    jis ḳhushbū se har maġhz se ḳhuun bahne lage!

    to ye dudh kosa hai!

    ye dudh hai aur kosa hai

    jis se badan ki nasen ungh jati hain

    jis se mere dil ki ba-qaeda dhaDkanon mein

    izafe ki surat nahin

    ye wahi dudh hai jis ko farhad ki garmi-e-shauq ne

    biston ki siyah choTiyon se utara

    tu is ke lahu ki hararat ka juya hua

    phir bhi kosa raha

    ye wahi dudh hai

    chandni ban ke jo garmiyon ke kisi mah ki chaudhwin raat ko

    aasman par zamin par dilon mein nigahon mein

    bahta hai lekin

    kisi ke labon ko jalata nahin hai

    ye suraj ka saya hai lawa nahin hai!

    tum apne piyale ko bhaTTi mein rakh do!

    ki ye dudh ubalta rahe

    ye pyala bhi Dhal jae

    ye dudh jal jae

    aur is tarah mushk-e-nafa bane

    jis ki KHushbu ki taqat na lae koi shaKHs bhi

    jis ki KHushbu se har maghz se KHun bahne lage!

    Source :
    • Book : Jalta Hai Badan (Pg. 71)
    • Author : Zahid Hasan
    • Publication : Apnaidara, Lahore (2002)
    • Edition : 2002

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now