aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

qasam us badan ki

Zahid Hasan

qasam us badan ki

Zahid Hasan

MORE BYZahid Hasan

    qasam us badan

    aur qasam us badan par khile phūloñ

    rut bahār hai aur havā rānoñ meñ mahak khilī hai

    ab tak...

    brassiere meñ tanī un chhātiyoñ se

    parinde apnī choñchoñ meñ sher bhar ke laate haiñ

    aur mohabbat abdiyat ke giit gaate haiñ.''

    lai meñ jin harārat un shaboñ hai

    guzrīñ jo qurbat meñ tere badan

    gahrī āñkhoñ vaalī ġham-gusār shabeñ

    batn meñ jin ke sadiyāñ gūñjtī thiiñ

    lekin... abdiyat kis ko thī

    mā-sivā us lahrātī jumbish ke

    (jaise tānpūre pe ġhair irādatan paḌ ga.ī ho)

    aur tā-der dard meñ Duubī āvāz

    tere badan se ubhartī thī

    ye dard kyā thaa?

    ki har sub.h lazzat jis laboñ pe

    papḌiyoñ mānind jamī hotī

    tere laboñ pe

    mere laboñ pe

    bahār bahut thī chār-sū bāġhoñ meñ

    aur saḌkoñ vīrānī meñ

    shāmeñ jo īstāda thiiñ

    dīvāroñ mānind hamāre mābain tanī rahīñ

    tārīk shaboñ meñ jab

    sarmā tez havā.eñ chaltī thiiñ

    udāsī terī piñDliyoñ meñ sarsarātī thī

    tere kāñpte badan ḳhushbū

    lahariye letī sarshārī meñ

    yuuñ Dūbtī ubhartī thī

    goyā...!

    aur merī uñgliyoñ poroñ meñ sulagtī thī jo aag

    terī chhātiyoñ golā.iyoñ ko māptī

    paimā.ish tere badan thī

    paimā.ish zindagī

    din biit ga.e!!

    aur ḳhvāb hamāre apne apne badan kināre

    jalte rahe charāġhoñ tarah

    aur maiñ ki ab tak

    yaad ke peḌoñ se mohabbatoñ ke phuul chun chun kar

    dil ke tasht meñ dhartā jā.ūñ

    terī maujūdgī talab meñ

    qasam us badan ki

    aur qasam us badan par khile phulon ki

    rut bahaar ki hai aur hawa ki ranon mein mahak khili hai

    ab tak

    brassiere mein tani un chhatiyon se

    parinde apni chonchon mein sher bhar ke late hain

    aur mohabbat ki abdiyat ke git gate hain

    lai mein jin ki hararat un shabon ki hai

    guzrin jo qurbat mein tere badan ki

    gahri aankhon wali gham-gusar shaben

    batn mein jin ke sadiyan gunjti thin

    lekin abdiyat kis ko thi

    ma-siwa us lahraati jumbish ke

    (jaise tanpure pe ghair iradatan paD gai ho)

    aur ta-der dard mein Dubi aawaz

    tere badan se ubharti thi

    ye dard kya tha?

    ki har subh lazzat jis ki labon pe

    papDiyon ki manind jami hoti

    tere labon pe

    mere labon pe

    bahaar bahut thi chaar-su baghon mein

    aur saDkon ki virani mein

    shamen jo istada thin

    diwaron ki manind hamare mabain tani rahin

    tarik shabon mein jab

    sarma ki tez hawaen chalti thin

    udasi teri pinDliyon mein sarsaraati thi

    tere kanpte badan ki KHushbu

    lahariye leti sarshaari mein

    yun Dubti ubharti thi

    goya!

    aur meri ungliyon ki poron mein sulagti thi jo aag

    teri chhatiyon ki golaiyon ko mapti

    paimaish tere badan ki thi

    paimaish zindagi ki

    din bit gae!!

    aur KHwab hamare apne apne badan kinare

    jalte rahe charaghon ki tarah

    aur main ki ab tak

    yaad ke peDon se mohabbaton ke phul chun chun kar

    dil ke tasht mein dharta jaun

    teri maujudgi ki talab mein

    Source:

    Jalta Hai Badan (Pg. 48)

    • Author: Zahid Hasan
      • Edition: 2002
      • Publisher: Apnaidara, Lahore
      • Year of Publication: 2002

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now