bulandi ki paimaish

Shahzad Nayar

bulandi ki paimaish

Shahzad Nayar

MORE BYShahzad Nayar

    jitne ūñche haiñ utne ḳhāmosh haiñ

    kin pahāḌoñ meñ rahnā paḌā hai mujhe

    saare apnī baḌā.ī dhun meñ magan

    dekhte rahe haiñ magar baat karte nahīñ

    baat karte haiñ to ḳhud se aage koī lafz kahte hahīñ!

    apne bojh se

    merī ḳhāmoshī kuuza kamar ho ga.ii... to chalī

    ik baḌī ḳhāmushī taraf

    aur marī nannhī ḳhāmushī ne kahā

    dhartī ḳhāmosh hai

    ye ḳhamoshī ghūñghaT uThā.e to maiñ is sāñseñ ginūñ

    ai qadīmī ḳhamoshī!

    jo aur maiñ chup chādar utāreñ

    to dhartī takallum malbūs pahne

    pahāḌoñ se aisī sadā.eñ uTheñ

    jo samundar ke siine meñ sūrāḳh kar deñ

    ye kuchlī huī ḳhalq uTThe

    to chīḳhoñ se pātāl hilne lage

    mauj-e-nāla ravānī kare

    aur sīnoñ meñ sahmī sadāoñ barfoñ ko paanī kare

    lafz-e-mamnua phir se chale

    soch sarzamīñ par na.ī tuḳhm-kārī kare

    ḳhair-o-shar hadoñ par na.ī had ko jaarī kare

    ai baḌī ḳhāmushī!... ai...

    magar ḳhāmushī pahle se baḌh kar ḳhāmosh thii!

    dil ke ġhurfoñ meñ soī sadāo!

    uTho! sūr-e-ādam uThāo

    'sarāfīl' soyā paḌā hai

    tumhī koī shor-e-qayāmat jagāo

    uTho be-navāo!

    tumhī apnī miTTī dhaḌkan meñ dhaḌkan milāo

    tumhāre badan par hai ta.amīr jin

    sadāoñ larzish se

    un ūñche burjoñ ko mil kar zamīñ-bos kar do!

    kisī ko nahīñ māntī haiñ

    sadā.eñ, koī ūñchā nīchā nahīñ jāntī haiñ!

    jitne unche hain utne hi KHamosh hain

    kin pahaDon mein rahna paDa hai mujhe

    sare apni baDai ki dhun mein magan

    dekhte ja rahe hain magar baat karte nahin

    baat karte hain to KHud se aage koi lafz kahte hahin!

    apne hi bojh se

    meri KHamoshi kuza kamar ho gai to chali

    ek baDi KHamushi ki taraf

    aur mari nannhi si KHamushi ne kaha

    dharti KHamosh hai

    ye KHamoshi ka ghunghaT uThae to main is ki sansen ginun

    ai qadimi KHamoshi!

    jo tu aur main chup ki chadar utaren

    to dharti takallum ka malbus pahne

    pahaDon se aisi sadaen uThen

    jo samundar ke sine mein suraKH kar den

    ye kuchli hui KHalq uTThe

    to chiKHon se patal hilne lage

    mauj-e-nala rawani kare

    aur sinon mein sahmi sadaon ki barfon ko pani kare

    lafz-e-mamnua phir se chale

    soch ki sarzamin par nai tuKHm-kari kare

    KHair-o-shar ki hadon par nai had ko jari kare

    ai baDi KHamushi! ai

    magar KHamushi pahle se baDh kar KHamosh thi!

    dil ke ghurfon mein soi sadao!

    uTho! sur-e-adam uThao

    'sarafil' soya paDa hai

    tumhi koi shor-e-qayamat jagao

    uTho be-nawao!

    tumhi apni miTTi ki dhaDkan mein dhaDkan milao

    tumhaare badan par hai tamir jin ki

    sadaon ki larzish se

    un unche burjon ko mil kar zamin-bos kar do!

    kisi ko nahin manti hain

    sadaen, koi uncha nicha nahin jaanti hain!

    Source :
    • Book : Quarterly TASTEER Lahore (Pg. 105)
    • Author : Naseer Ahmed Nasir
    • Publication : H.No.-21, Street No. 2, Phase II, Bahriya Town, Rawalpindi (Volume:15, Issue No. 1, 2, Jan To June.2011)
    • Edition : Volume:15, Issue No. 1, 2, Jan To June.2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY