aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bulbul

MORE BYMajnoon Gorakhpuri

    chaman meñ laa.ī hai phūloñ aarzū tujh ko

    milā kahāñ se ye ehsās-e-rañg-o-bū tujh ko

    tirī tarah koī sar-gashta-e-jamāl nahīñ

    guloñ meñ mahv hai kāñToñ kuchh ḳhayāl nahīñ

    ḳhizāñ ḳhauf na hai bāġhbāñ Dar tujh ko

    ma.āl-e-kār bhī kuchh ḳhatar nahīñ tujh ko

    ḳhush-e'tiqād o ḳhush-āhañg ḳhush-navā bulbul

    jigar ke daaġh ko pur-nūr kar diyā kis ne

    tujhe is aag se ma.amūr kar diyā kis ne

    ye dil ye dard ye saudā kahāñ se laa.ī hai

    kahāñ ne ye tarz-e-fuġhāñ uḌaa.ī hai

    tujhe bahār ik murġh-e-ḳhush-navā samjhūñ

    ki dard-mañd diloñ koī sadā samjhūñ

    sivā ik aah ke sāmān-e-hast-o-būd hai kyā

    batā tirā sarmāya-e-vajūd hai kyā

    vo naqd-e-jāñ hai ki hai nāla-e-hazīñ terā

    nishān-e-hastī-e-mauhūm kuchh nahīñ terā

    use bhī vaqf-e-tamanna-e-yār kar denā!

    nisār-e-jalva-e-gul jān-e-zār kar denā!

    hazār rañg ḳhizāñ ne bahār ne badle

    hazār ruup yahāñ rozgār ne badle

    tirī qadīm ravish dekhtā huuñ bachpan se

    hai sub.h-o-shām tujhe kaam apne shevan se

    asar-pazīr havādis tirā tarāna nahīñ?

    dayār-e-ishq meñ gardish-e-zamāna nahīñ?

    na āshiyāna kahīñ hai na hai vatan terā

    rahegā yūñhī baserā chaman chaman terā

    tirā jahān hai baalā jahān-e-insāñ se

    ki be-niyāz hai hādsāt-e-imkāñ se

    tirā faroġh faroġh-e-jamāl-e-jānāñ hai

    tirā nashāt nashāt-e-gul-o-gulistāñ hai

    tirī hayāt maqsad dost-dārī hai

    tirā muāmlā suud o ziyāñ se aarī hai

    azal ke din se hai mahv-e-jamāl-e-jānāna

    rahegī tā-ba-abad mā-sivā se begāna

    tujhe kis aag ne hirs-o-havā se paak kiyā

    tamām ḳhirman-e-hastī jalā ke ḳhaak kiyā

    mujhe bhī de koī dāru-e-ḳhud-farāmoshī

    jahāñ o kār-e-jahāñ se rahe subukdoshī

    matā-e-hosh ko ik justujū meñ khonā hai

    mujhe bhī ya.anī tirā ham-safīr honā hai

    ''tū ḳhush banāl marā hasrat-e-yārī ast

    ki do āshiq-e-zārem o kār-e-mā zaarī ast''

    chaman mein lai hai phulon ki aarzu tujh ko

    mila kahan se ye ehsas-e-rang-o-bu tujh ko

    teri tarah koi sar-gashta-e-jamal nahin

    gulon mein mahw hai kanTon ka kuchh KHayal nahin

    KHizan ka KHauf na hai baghban ka Dar tujh ko

    maal-e-kar ka bhi kuchh KHatar nahin tujh ko

    KHush-e'tiqad o KHush-ahang KHush-nawa bulbul

    jigar ke dagh ko pur-nur kar diya kis ne

    tujhe is aag se mamur kar diya kis ne

    ye dil ye dard ye sauda kahan se lai hai

    kahan ki tu ne ye tarz-e-fughan uDai hai

    tujhe bahaar ka ek murgh-e-KHush-nawa samjhun

    ki dard-mand dilon ki koi sada samjhun

    siwa ek aah ke saman-e-hast-o-bud hai kya

    tu hi bata tera sarmaya-e-wajud hai kya

    wo naqd-e-jaan hai ki hai nala-e-hazin tera

    nishan-e-hasti-e-mauhum kuchh nahin tera

    use bhi waqf-e-tamanna-e-yar kar dena!

    nisar-e-jalwa-e-gul jaan-e-zar kar dena!

    hazar rang KHizan ne bahaar ne badle

    hazar rup yahan rozgar ne badle

    teri qadim rawish dekhta hun bachpan se

    hai subh-o-sham tujhe kaam apne shewan se

    asar-pazir hawadis tera tarana nahin?

    dayar-e-ishq mein ya gardish-e-zamana nahin?

    na aashiyana kahin hai na hai watan tera

    rahega yunhi basera chaman chaman tera

    tera jahan hai baala jahan-e-insan se

    ki be-niyaz hai tu hadsat-e-imkan se

    tera farogh farogh-e-jamal-e-jaanan hai

    tera nashat nashat-e-gul-o-gulistan hai

    teri hayat ka maqsad hi dost-dari hai

    tera muamla sud o ziyan se aari hai

    azal ke din se hai mahw-e-jamal-e-jaanana

    rahegi ta-ba-abad ma-siwa se begana

    tujhe kis aag ne hirs-o-hawa se pak kiya

    tamam KHirman-e-hasti jala ke KHak kiya

    mujhe bhi de koi daru-e-KHud-faramoshi

    jahan o kar-e-jahan se rahe subukdoshi

    mata-e-hosh ko ek justuju mein khona hai

    mujhe bhi yani tera ham-safir hona hai

    tu KHush banal mara ba tu hasrat-e-yari ast

    ki ma do aashiq-e-zarem o kar-e-ma zari ast

    Source:

    meri behtareen nazam (Pg. 105)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now