buniyaad kuchh to ho

kū-e-sitam kī ḳhāmushī ābād kuchh to ho

kuchh to kaho sitam-kasho, fariyād kuchh to ho

bedād-gar se shikva-e-bedād kuchh to ho

bolo ki shor-e-hashr kī ījād kuchh to ho

marne chale to satvat-e-qātil kā ḳhauf kyā

itnā to ho ki bāñdhne paa.e na dast o pā

maqtal meñ kuchh to rañg jame jashn-e-raqs kā

rañgīñ lahū se panja-e-sayyād kuchh to ho

ḳhuuñ par gavāh dāman-e-jallād kuchh to ho

jab ḳhūñ-bahā talab kareñ buniyād kuchh to ho

gar tan nahīñ zabāñ sahī āzād kuchh to ho

dushnām naala hāo-hū fariyād kuchh to ho

chīḳhe hai dard ai dil-e-barbād kuchh to ho

bolo ki shor-e-hashr kī ījād kuchh to ho

bolo ki roz-e-adl kī buniyād kuchh to ho

ku-e-sitam ki KHamushi aabaad kuchh to ho

kuchh to kaho sitam-kasho, fariyaad kuchh to ho

bedad-gar se shikwa-e-bedad kuchh to ho

bolo ki shor-e-hashr ki ijad kuchh to ho

marne chale to satwat-e-qatil ka KHauf kya

itna to ho ki bandhne pae na dast o pa

maqtal mein kuchh to rang jame jashn-e-raqs ka

rangin lahu se panja-e-sayyaad kuchh to ho

KHun par gawah daman-e-jallad kuchh to ho

jab KHun-baha talab karen buniyaad kuchh to ho

gar tan nahin zaban sahi aazad kuchh to ho

dushnam nala hao-hu fariyaad kuchh to ho

chiKHe hai dard ai dil-e-barbaad kuchh to ho

bolo ki shor-e-hashr ki ijad kuchh to ho

bolo ki roz-e-adl ki buniyaad kuchh to ho