buz-dili

Muzaffar Hanfi

buz-dili

Muzaffar Hanfi

MORE BYMuzaffar Hanfi

    INTERESTING FACT

    A satirical poem on Shaad Aarfi on his demise

    ye koī tarīqa hai tanz yuuñ nahīñ karte 'shād'-ārfī-sāhib

    aap jaise dil vaale is tarah nahīñ marte 'shād'-ārfī-sāhib

    bāġhbāñ sāzish se phuul toḌ kar gulchīñ ḳhaar meñ piro.eñge

    naam le ke tūfāñ nāḳhudā safīnoñ ko ret meñ Dibo.eñge

    aap tamannā thī jail ke marne bhuul ho ga.ī shāyad

    lūTtī rahī paiham saaTh saal jo duniyā yuuñ na baḳhshiye us ko

    maañ maut par apnā jo makān bechā thā yaad kījiye us ko

    'shād'-ārfī-sāhib aap ko to duniyā se intiqām lenā hai

    sochiye zamāne ne aap ko diyā kyā hai aap se liyā kyā hai

    fikr-o-fan ke badle meñ talḳhiyāñ atā haiñ jis samāj ne qibla

    pur-ḳhulūs siine par barchhiyāñ chalā.ī haiñ jis samāj ne qibla

    aap ḳhamoshī par vo samāj hañstā hai dekh lījiye muḌ kar

    phir koī na.ī phabtī tanz koī nashtar vaar kījiye muḌ kar

    buz-dilī na hogī kyā zindagī ke mujrim ko yuuñ muaaf kar denā

    maut to matlab hai zulm ke liye rāheñ aur saaf kar denā

    ḳhair ham samajhte haiñ maut se nahīñ Darte 'shād'-ārfī-sāhib

    ye bhī tanz hogā mar ke bhī nahīñ marte 'shād'-ārfī-sāhib

    ye koi tariqa hai tanz yun nahin karte 'shad'-arfi-sahib

    aap jaise dil wale is tarah nahin marte 'shad'-arfi-sahib

    baghban ki sazish se phul toD kar gulchin KHar mein piroenge

    nam le ke tufan ka naKHuda safinon ko ret mein Diboenge

    aap ki tamanna thi jail ja ke marne ki bhul ho gai shayad

    luTti rahi paiham saTh sal jo duniya yun na baKHshiye us ko

    man ki maut par apna jo makan becha tha yaad kijiye us ko

    'shad'-arfi-sahib aap ko to duniya se intiqam lena hai

    sochiye zamane ne aap ko diya kya hai aap se liya kya hai

    fikr-o-fan ke badle mein talKHiyan ata ki hain jis samaj ne qibla

    pur-KHulus sine par barchhiyan chalai hain jis samaj ne qibla

    aap ki KHamoshi par wo samaj hansta hai dekh lijiye muD kar

    phir koi nai phabti tanz ka koi nashtar war kijiye muD kar

    buz-dili na hogi kya zindagi ke mujrim ko yun muaf kar dena

    maut ka to matlab hai zulm ke liye rahen aur saf kar dena

    KHair hum samajhte hain maut se nahin Darte 'shad'-arfi-sahib

    ye bhi tanz hi hoga mar ke bhi nahin marte 'shad'-arfi-sahib

    Source :
    • Book : kamaan (Pg. 352)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY