buzdil

kahā kaun buzdil hai

āvāz aa.ī vahī jo

shikasta sadāoñ ke ban meñ khaḌā hai

javāñ-sāl gītoñ kī mayyat uThā.e

vahī jo udāsī kī jaltī do-pahrī meñ

rāhat kā armāñ liye DhūñDhtā hai

bulandī pe parvāz karte hue

kuchh parindoñ ke saa.e

vo buzdil hai

āvāz aa.ī vo buzdil hai jo

is yaqīñ par palā hai

ki ajdād ke faisloñ kī amānat ko

ik hāmila kī tarah vo uThā.e hue hai

añdhere ujāle jo is vāhime se juḌā hai

ki maazī kī satvat ko

māthe pe apne sajā.e hue hai

vo buzdil hai

āvāz aa.ī vo buzdil hai jo

'usrat-e-'ilm-o-hikmat ke pātāl meñ

baiTh kar sochtā hai

ki hāthoñ meñ tahzīb 'irfān aur āgahī kā

pharerā uThā.e hue hai

ki bīmār siine pe harf-e-sadāqat kā

zarkār tamġha lagā.e hue hai

vo buzdil hai

āvāz aa.ī vo buzdil hai jis kī

‘azīmat ke āsār-o-aqdār par

qahr TūTeñ agar

maut aur zindagī donoñ jis ke liye

tauq-e-lā'nat baneñ

aur vo taaza zaḳhmoñ se bahte hue ḳhuun ko

chashm-e-nam ke piyāloñ se dhotā rahe

vo buzdil hai

āvāz aa.ī vo buzdil hai jo

ḳhauf ke sā.ebāñ meñ khaḌā

'azm-e-jāñbāz kī rif'ateñ DhūñDhtā hai

mohabbat kī shādāb vaadī meñ jo

gukhruoñ se bharī nafrateñ DhūñDhtā hai

vo buzdil hai

āvāz aa.ī vo buzdil hai jo

nasl tahzīb aur ḳhuun ke zamzamoñ ko

'aqīdoñ kī talvār se kāTtā hai

rifāqat ke jazboñ ne sadiyoñ ke saa.e meñ

sīñchā hai jis peḌ kī Tahniyoñ ko

use kund hathiyār kī dhaar se kāTtā hai

vo buzdil hai

āvāz aa.ī vo buzdil hai

kaha kaun buzdil hai

aawaz aai wahi jo

shikasta sadaon ke ban mein khaDa hai

jawan-sal giton ki mayyat uThae

wahi jo udasi ki jalti do-pahri mein

rahat ka arman liye DhunDhta hai

bulandi pe parwaz karte hue

kuchh parindon ke sae

wo buzdil hai

aawaz aai wo buzdil hai jo

is yaqin par pala hai

ki ajdad ke faislon ki amanat ko

ek hamila ki tarah wo uThae hue hai

andhere ujale jo is wahime se juDa hai

ki mazi ki satwat ko

mathe pe apne sajae hue hai

wo buzdil hai

aawaz aai wo buzdil hai jo

'usrat-e-'ilm-o-hikmat ke patal mein

baiTh kar sochta hai

ki hathon mein tahzib 'irfan aur aagahi ka

pharera uThae hue hai

ki bimar sine pe harf-e-sadaqat ka

zarkar tamgha lagae hue hai

wo buzdil hai

aawaz aai wo buzdil hai jis ki

‘azimat ke aasar-o-aqdar par

qahr TuTen agar

maut aur zindagi donon jis ke liye

tauq-e-la'nat banen

aur wo taza zaKHmon se bahte hue KHun ko

chashm-e-nam ke piyalon se dhota rahe

wo buzdil hai

aawaz aai wo buzdil hai jo

KHauf ke saeban mein khaDa

'azm-e-jaanbaz ki rif'aten DhunDhta hai

mohabbat ki shadab wadi mein jo

gukhruon se bhari nafraten DhunDhta hai

wo buzdil hai

aawaz aai wo buzdil hai jo

nasl tahzib aur KHun ke zamzamon ko

'aqidon ki talwar se kaTta hai

rifaqat ke jazbon ne sadiyon ke sae mein

sincha hai jis peD ki Tahniyon ko

use kund hathiyar ki dhaar se kaTta hai

wo buzdil hai

aawaz aai wo buzdil hai