cafe

do hī cup

mañgātā huuñ

aaj bhī maiñ coffē ke

dekh kar ye cafe meñ

log rone lagte haiñ

koī ek vo Table

book kabhī nahīñ kartā

jis pe maiñ ne chābī se ek dil banāyā thā

aur do naam likkhe the

ho gayā purānā par

aaj tak nahīñ badlā

mez kā vo ik gul-dān

pahle vasl par jis meñ

tum ne phuul rakhe the

mujh se koī waiter ab

Tip bhī to nahīñ letā

vo dūkān mālik jo

chuTkule sunātā thā

khilkhilā ke hañstā thā

duur ab ḳhamoshī se mujh ko taktā rahtā hai

is salīb par merā jism laTkā rahtā hai

maiñ tumhāre cup ko vo

mujh ko taktā rahtā hai

vaqt kaTtā rahtā hai

do hi cup

mangata hun

aaj bhi main coffee ke

dekh kar ye cafe mein

log rone lagte hain

koi ek wo Table

book kabhi nahin karta

jis pe main ne chabi se ek dil banaya tha

aur do nam likkhe the

ho gaya purana par

aaj tak nahin badla

mez ka wo ek gul-dan

pahle wasl par jis mein

tum ne phul rakhe the

mujh se koi waiter ab

Tip bhi to nahin leta

wo dukan malik jo

chuTkule sunata tha

khilkhila ke hansta tha

dur ab KHamoshi se mujh ko takta rahta hai

is salib par mera jism laTka rahta hai

main tumhaare cup ko wo

mujh ko takta rahta hai

waqt kaTta rahta hai