chand-chehra sitara-ankhen

Obaidullah Aleem

chand-chehra sitara-ankhen

Obaidullah Aleem

MORE BYObaidullah Aleem

    mire ḳhudāyā maiñ zindagī ke azaab likkhūñ ki ḳhvāb likkhūñ

    ye merā chehra ye merī āñkheñ

    bujhe hue se charāġh jaise

    jo phir se chalne ke muntazir hoñ

    vo chāñd-chehra sitāra-āñkheñ

    vo mehrbāñ sāya-dār zulfeñ

    jinhoñ ne paimāñ kiye the mujh se

    rafāqatoñ ke mohabbatoñ ke

    kahā thā mujh se ki ai musāfir rah-e-vafā ke

    jahāñ bhī jā.egā ham bhī ā.eñge saath tere

    baneñge rātoñ meñ chāñdnī ham to din meñ saa.e bikher deñge

    vo chāñd-chehra sitāra-āñkheñ

    vo mehrbāñ sāya-dār zulfeñ

    vo apne paimāñ rafāqatoñ ke mohabbatoñ ke

    shikast kar ke

    na jaane ab kis rahguzar manāra-e-raushnī hue haiñ

    magar musāfir ko kyā ḳhabar hai

    vo chāñd-chehra to bujh gayā hai

    sitāra-āñkheñ to so ga.ī haiñ

    vo zulfeñ be-sāya ho ga.ī haiñ

    vo raushnī aur vo saa.e mirī atā the

    so merī rāhoñ meñ aaj bhī haiñ

    ki maiñ musāfir rah-e-vafā

    vo chāñd-chehra sitāra-āñkheñ

    vo mehrbāñ sāya-dār zulfeñ

    hazāroñ chehroñ hazāroñ āñkhoñ

    hazāroñ zulfoñ ek sailāb-e-tund le kar

    mire ta.āqub meñ aa rahe haiñ

    har ek chehra hai chāñd-chehra

    haiñ saarī āñkheñ sitāra-āñkheñ

    tamām haiñ

    mehrbāñ sāya-dār zulfeñ

    maiñ kis ko chāhūñ maiñ kis ko chūmūñ

    maiñ kis ke saa.e meñ baiTh jā.ūñ

    bachūñ ki tūfāñ meñ Duub jā.ūñ

    na merā chehra na merī āñkheñ

    mire ḳhudāyā maiñ zindagī ke azaab likkhūñ ki ḳhvāb likkhūñ

    mere KHudaya main zindagi ke azab likkhun ki KHwab likkhun

    ye mera chehra ye meri aankhen

    bujhe hue se charagh jaise

    jo phir se chalne ke muntazir hon

    wo chand-chehra sitara-ankhen

    wo mehrban saya-dar zulfen

    jinhon ne paiman kiye the mujh se

    rafaqaton ke mohabbaton ke

    kaha tha mujh se ki ai musafir rah-e-wafa ke

    jahan bhi jaega hum bhi aaenge sath tere

    banenge raaton mein chandni hum to din mein sae bikher denge

    wo chand-chehra sitara-ankhen

    wo mehrban saya-dar zulfen

    wo apne paiman rafaqaton ke mohabbaton ke

    shikast kar ke

    na jaane ab kis ki rahguzar ka manara-e-raushni hue hain

    magar musafir ko kya KHabar hai

    wo chand-chehra to bujh gaya hai

    sitara-ankhen to so gai hain

    wo zulfen be-saya ho gai hain

    wo raushni aur wo sae meri ata the

    so meri rahon mein aaj bhi hain

    ki main musafir rah-e-wafa ka

    wo chand-chehra sitara-ankhen

    wo mehrban saya-dar zulfen

    hazaron chehron hazaron aankhon

    hazaron zulfon ka ek sailab-e-tund le kar

    mere taaqub mein aa rahe hain

    har ek chehra hai chand-chehra

    hain sari aankhen sitara-ankhen

    tamam hain

    mehrban saya-dar zulfen

    main kis ko chahun main kis ko chumun

    main kis ke sae mein baiTh jaun

    bachun ki tufan mein Dub jaun

    na mera chehra na meri aankhen

    mere KHudaya main zindagi ke azab likkhun ki KHwab likkhun

    Videos
    This video is playing from YouTube

    Videos
    This video is playing from YouTube

    Obaidullah Aleem

    Obaidullah Aleem

    RECITATIONS

    Obaidullah Aleem

    Obaidullah Aleem

    Obaidullah Aleem

    chand-chehra sitara-ankhen Obaidullah Aleem

    Source:

    • Book : Chand Chehra Sitara Aankhen (Pg. 31)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY