chandni

vaqt aa gayā ab raat kā

phir tham ga.ī chaltī havā

ḳhāmosh hai saarī fazā

chāroñ taraf ik nuur sā

barsā rahī hai chāñdnī

dekho vo bādal aa ga.e

aur chāñd par bhī chhā ga.e

is nuur ke āñchal meñ ab

is qaid is bādal meñ ab

ghabrā rahī hai chāñdnī

ai lo vo bādal chhaT ga.e

aur chāñd par se haT ga.e

har har dar-o-dīvār par

dariyā pe aur kohsār par

phir chhā rahī hai chāñdnī

ab to sub.h hone lagī

kuchh baḌh chalī hai raushnī

ruḳhsat hue taare bhī sab

rotī huī shabnam ko ab

bahlā rahī hai chāñdnī

waqt aa gaya ab raat ka

phir tham gai chalti hawa

KHamosh hai sari faza

chaaron taraf ek nur sa

barsa rahi hai chandni

dekho wo baadal aa gae

aur chand par bhi chha gae

is nur ke aanchal mein ab

is qaid is baadal mein ab

ghabra rahi hai chandni

ai lo wo baadal chhaT gae

aur chand par se haT gae

har har dar-o-diwar par

dariya pe aur kohsar par

phir chha rahi hai chandni

ab to subh hone lagi

kuchh baDh chali hai raushni

ruKHsat hue tare bhi sab

roti hui shabnam ko ab

bahla rahi hai chandni