chali aana agar tum tak meri aawaz ja pahunche

ye raushan sub.h ye mīThe suroñ meñ panchhiyoñ ke gaan

kisī kamsin kī dastak se uThī ye nūpuroñ kī taan

chaTak phūloñ kī rang-o-bū pe iThlāte hue dālān

hañseñ haiñ par tumhāre bin mere jī ko nahīñ bhāte

phir ab kī baar zaa.e.a ho na jaa.e sardiyoñ kī dhuup

ye sub.h-o-shām puujā archanā ye mandiroñ kī dhuup

kisī dil meñ tulūa hotī huī ye hasratoñ kī dhuup

nigal jaa.e na koī shām-e-ġham añgḌā.iyāñ bhar ke

zamāna ke satā.e duur se aa.e hue haiñ ham

mere ḳhvāboñ kī malika āshnā tum se nahīñ ye ġham

jo tum milne chalī aao mahak uTTheñ ye do aalam

qasam hai tum ko aa jaanā tumheñ chāhe jahāñ roke

chalī aanā agar tum tak mirī āvāz jā pahuñche

ye raushan subh ye miThe suron mein panchhiyon ke gan

kisi kamsin ki dastak se uThi ye nupuron ki tan

chaTak phulon ki rang-o-bu pe iThlate hue dalan

hansen hain par tumhaare bin mere ji ko nahin bhate

phir ab ki bar zaea ho na jae sardiyon ki dhup

ye subh-o-sham puja archana ye mandiron ki dhup

kisi dil mein tulua hoti hui ye hasraton ki dhup

nigal jae na koi sham-e-gham angDaiyan bhar ke

zamana ke satae dur se aae hue hain hum

mere KHwabon ki malika aashna tum se nahin ye gham

jo tum milne chali aao mahak uTThen ye do aalam

qasam hai tum ko aa jaana tumhein chahe jahan roke

chali aana agar tum tak meri aawaz ja pahunche