chalna aur sochna
shāyad ek saath sīkhtā hai aadmī
chalnā aur sochnā
ek sahn meñ
ek din
maiñ siikh gayā
chalnā
aur sochnā
chiḌiyoñ
paudoñ
aur rang birañge kīḌoñ ke darmiyān
maañ kahtī
tum itnā chalte ho
ek siidh meñ chalo
to shaam tak pahuñch jaao
kisī aur shahr meñ
maiñ ne āvārgī kī
dopahroñ meñ
akele
tāroñ bharī rātoñ meñ
udaas shā.iroñ
aur jugnuoñ ke saath
maiñ chaltā rahā
galiyoñ meñ
shāh-rāhoñ par
julūsoñ meñ
janāzoñ ke saath
sochte hue
nā-insāfī inqilāb
maut ḳhudā aur jahannum
aur bahut sī fuzūliyāt
maiñ chaltā rahā
bārishoñ meñ
barf-barīyoñ meñ
dhund meñ
dhuup aur āñdhiyoñ meñ
sochte hue
jo maiñ batā saktā huuñ faḳhr se
aur vo bhī
jo maiñ ḳhud se bhī chhupātā huuñ
maiñ ajnabī mulkoñ meñ gayā
tanhā chalne ke liye
tanhā sochne ke liye
ab maiñ lauT aayā huuñ
Dhaltī umr meñ
baġhair kahīñ pahuñche hue
ab maiñ kahīñ nahīñ jaatā
par ab bhī chaltā huuñ
har roz
kam-az-kam
ek ghanTa
tez tez
paaoñ chakkī par
ye sochte hue
ki maiñ kab tak chalūñgā
maiñ kab tak sochūñgā
shayad ek sath sikhta hai aadmi
chalna aur sochna
ek sahn mein
ek din
main sikh gaya
chalna
aur sochna
chiDiyon
paudon
aur rang birange kiDon ke darmiyan
man kahti
tum itna chalte ho
ek sidh mein chalo
to sham tak pahunch jao
kisi aur shahr mein
main ne aawargi ki
dopahron mein
akele
taron bhari raaton mein
udas shairon
aur jugnuon ke sath
main chalta raha
galiyon mein
shah-rahon par
juluson mein
janazon ke sath
sochte hue
na-insafi inqilab
maut KHuda aur jahannum
aur bahut si fuzuliyat
main chalta raha
barishon mein
barf-bariyon mein
dhund mein
dhup aur aandhiyon mein
sochte hue
jo main bata sakta hun faKHr se
aur wo bhi
jo main KHud se bhi chhupata hun
main ajnabi mulkon mein gaya
tanha chalne ke liye
tanha sochne ke liye
ab main lauT aaya hun
Dhalti umr mein
baghair kahin pahunche hue
ab main kahin nahin jata
par ab bhi chalta hun
har roz
kam-az-kam
ek ghanTa
tez tez
paon chakki par
ye sochte hue
ki main kab tak chalunga
main kab tak sochunga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.