chalo bazar chalte hain

kisī kī jeb se naqadī

kisī ke kaan kī baalī

kisī kī chūḌiyāñ

hāthoñ se

mahñgā koī mobile

jhalak T-T kī dikhlā kar

jo maalā TuuT kar bikhre

to motī biin lete the

ġharīboñ kī bhī kul-pūñjī

abhī kal tak yahāñ ham

chhīn lete the

magar ab log bhī apne bahut hushiyār bante haiñ

shikasta hī sahī

phir bhī hamārī raah kī

dīvār bante haiñ

na kānoñ meñ koī baalī pahantā hai

na hāthoñ meñ

kaḌe sone ke hote haiñ

dulhan ke jo bhī zevar haiñ

vo masnūī

jo mobile haiñ vo naqlī

numā.ish ke sabhī taur-o-tarīqe

khokhle haiñ

kuchh nahīñ aslī

to phir bāzār jā kar kyā kareñ

jebeñ to haiñ ḳhālī

chalo kuchh aisā karte haiñ

kisī ke haath se thailā davāoñ kā

lapak kar chhīn lete haiñ

davā.eñ bhī to mahñgī haiñ

kahīñ par bech dete haiñ

kahīñ par bech dete haiñ

yā phir ghar ko palaTte haiñ

abhī kuchh roz pahle hī

jo ham ne bāliyāñ kānoñ se nochī thiiñ

vo maiñ ne tohfatan baḳhshīñ thiiñ biivī ko

kaḌe sone ke ammāñ ko

to phir kuchh aisā karte haiñ

kaḌe ammāñ se jā kar chhīn laate haiñ

vahī do bāliyāñ sone kī jo baḳhshīñ thiiñ biivī ko

unheñ phir noch laate haiñ

chalo bāzār chalte haiñ

kisi ki jeb se naqadi

kisi ke kan ki baali

kisi ki chuDiyan

hathon se

mahnga koi mobile

jhalak T-T ki dikhla kar

jo mala TuT kar bikhre

to moti bin lete the

gharibon ki bhi kul-punji

abhi kal tak yahan hum

chhin lete the

magar ab log bhi apne bahut hushiyar bante hain

shikasta hi sahi

phir bhi hamari rah ki

diwar bante hain

na kanon mein koi baali pahanta hai

na hathon mein

kaDe sone ke hote hain

dulhan ke jo bhi zewar hain

wo masnui

jo mobile hain wo naqli

numaish ke sabhi taur-o-tariqe

khokhle hain

kuchh nahin asli

to phir bazar ja kar kya karen

jeben to hain KHali

chalo kuchh aisa karte hain

kisi ke hath se thaila dawaon ka

lapak kar chhin lete hain

dawaen bhi to mahngi hain

kahin par bech dete hain

kahin par bech dete hain

ya phir ghar ko palaTte hain

abhi kuchh roz pahle hi

jo hum ne baaliyan kanon se nochi thin

wo main ne tohfatan baKHshin thin biwi ko

kaDe sone ke amman ko

to phir kuchh aisa karte hain

kaDe amman se ja kar chhin late hain

wahi do baaliyan sone ki jo baKHshin thin biwi ko

unhen phir noch late hain

chalo bazar chalte hain