chalo ek bar phir dariya kinare

chalo ik baar phir dariyā kināre

jahāñ pahle-pahal ham tum mile the

jahāñ se bebasī jaane lagī thī

jahāñ se zindagī gaane lagī thī

jahāñ se rashk sā aane lagā thā

jahāñ se nashsha sā chhāne lagā thā

jahāñ se rat-jage kī thī numā.ish

jahāñ se diip rāhoñ meñ jale the

chalo ik baar phir dariyā kināre

jahāñ pahle-pahal ham tum mile the

jahāñ se ḳhvāb āñkhoñ meñ jage the

jahāñ se phuul juuḌe meñ saje the

jahāñ se raat dhānī ho rahī thī

jahāñ duniyā kahānī ho rahī thī

jahāñ duniyā kahānī ho rahī thī

jahāñ se aa gayā thā mujh ko jiinā

jahāñ se lafz sheroñ meñ Dhale the

chalo ik baar phir dariyā kināre

jahāñ pahle-pahal ham tum mile the

jahāñ se be-ḳhudī baḌhne lagī thī

jahāñ se pyaas kī shiddat jagī thī

jahāñ se hausla tū ne diyā thā

jahāñ se faisla maiñ ne kiyā thā

jahāñ se zindagī ne lī thī karvaT

jahāñ se phuul rāhoñ meñ khile the

chalo ik baar phir dariyā kināre

jahāñ pahle-pahal ham tum mile the

chalo ek bar phir dariya kinare

jahan pahle-pahal hum tum mile the

jahan se bebasi jaane lagi thi

jahan se zindagi gane lagi thi

jahan se rashk sa aane laga tha

jahan se nashsha sa chhane laga tha

jahan se rat-jage ki thi numaish

jahan se dip rahon mein jale the

chalo ek bar phir dariya kinare

jahan pahle-pahal hum tum mile the

jahan se KHwab aankhon mein jage the

jahan se phul juDe mein saje the

jahan se raat dhani ho rahi thi

jahan duniya kahani ho rahi thi

jahan duniya kahani ho rahi thi

jahan se aa gaya tha mujh ko jina

jahan se lafz sheron mein Dhale the

chalo ek bar phir dariya kinare

jahan pahle-pahal hum tum mile the

jahan se be-KHudi baDhne lagi thi

jahan se pyas ki shiddat jagi thi

jahan se hausla tu ne diya tha

jahan se faisla main ne kiya tha

jahan se zindagi ne li thi karwaT

jahan se phul rahon mein khile the

chalo ek bar phir dariya kinare

jahan pahle-pahal hum tum mile the