charaghan

charāġhāñ charāġhāñ

shagufta dar-o-bām sajte sañvarte hue āshiyāñ

vo bhī shām-e-charāġhāñ

ki us raqs kartī huī anjuman meñ

tabassum tabassum farozāñ daraḳhshāñ

dil-e-nā-tavāñ reza-reza sitāroñ ke āñgan meñ

tahlīl hotī huī dāstāñ

mujh ko imroz vo istitā'at 'atā kar

pighaltā rahūñ maiñ sulagtā rahūñ

lamha lamha musalsal lahū ke tasalsul meñ jaltā rahūñ

us ke raushan charāġhoñ meñ jashn-e-jamāl-e-tulū’-e-sahar tak

shafaq-tā-shafaq mauj-dar-mauj shor-e-talātum meñ

jazb-e-jalāl-e-farāz-e-safar tak

charaghan charaghan

shagufta dar-o-baam sajte sanwarte hue aashiyan

wo bhi sham-e-charaghan

ki us raqs karti hui anjuman mein

tabassum tabassum farozan daraKHshan

dil-e-na-tawan reza-reza sitaron ke aangan mein

tahlil hoti hui dastan

mujh ko imroz wo istita'at 'ata kar

pighalta rahun main sulagta rahun

lamha lamha musalsal lahu ke tasalsul mein jalta rahun

us ke raushan charaghon mein jashn-e-jamal-e-tulu’-e-sahar tak

shafaq-ta-shafaq mauj-dar-mauj shor-e-talatum mein

jazb-e-jalal-e-faraaz-e-safar tak