chaudhwin ka chand

ḳhayāl-o-fikr ke bikhre hue havāloñ meñ

visāl hijr mohabbat kī sab misāloñ meñ

zamīñ se duur kahīñ āsmāñ ke

tāroñ meñ

liye ye 'aks utartā hai ābshāroñ meñ

shumār is kā hai aksar hī

shab-guzāroñ meñ

ye sogvār sā lagtā hai

sogvāroñ meñ

magar vo husn kā 'ālam ki

jab ye puurā ho aur

āb-o-tāb se har baam par

utar aa.e to phir shabāb sabhī

kā.enāt par is kā asar vo chhoḌe ki

lamhe asiir ho jaa.eñ

kise ḳhabar hai ki dasht-e-suḳhan ke

māroñ kā

gavāh hotā hai ye chāñd ashk-bāroñ kā

garhan khā ke ye aksar payām detā hai

ki lamha bhar ko agar raushnā.ī kho jaa.e

dubāra

niklo isī āb-o-tāb se niklo

ghaTo kahīñ pe to baḌh kar hasīn

ho jaao ye chāñd chaudah kā

kitnā hasīn hotā hai

ye shab ke kitne hī asrār khol jaatā hai

KHayal-o-fikr ke bikhre hue hawalon mein

visal hijr mohabbat ki sab misalon mein

zamin se dur kahin aasman ke

taron mein

liye ye 'aks utarta hai aabshaaron mein

shumar is ka hai aksar hi

shab-guzaron mein

ye sogwar sa lagta hai

sogwaron mein

magar wo husn ka 'alam ki

jab ye pura ho aur

aab-o-tab se har baam par

utar aae to phir shabab sabhi

kaenat par is ka asar wo chhoDe ki

lamhe asir ho jaen

kise KHabar hai ki dasht-e-suKHan ke

maron ka

gawah hota hai ye chand ashk-baron ka

garhan kha ke ye aksar payam deta hai

ki lamha bhar ko agar raushnai kho jae

dubara

niklo isi aab-o-tab se niklo

ghaTo kahin pe to baDh kar hasin

ho jao ye chand chaudah ka

kitna hasin hota hai

ye shab ke kitne hi asrar khol jata hai