chhipkali

bhūrī bhūrī piilī ye

zarā nahīñ zahrīlī ye

dekho kyā sharmīlī sī

sust nahīñ na Dhīlī sī

kaam baḌā kar jaa.e ye

kiiḌe makoḌe khaa.e ye

kartī koī nuqsān nahīñ

muuzī ye mehmān nahīñ

dum ko kaaT le ḳhatre meñ

nikal aa.e jo hafte meñ

kitnī ye ḳhāmosh rahe

phir bhī ye bā-hosh rahe

raat nazar aatī hai ye

din ko chhup jaatī hai ye

chhat se girne paa.e nahīñ

itne paas ye aa.e nahīñ

chehra is kā baḌā tikon

ġhaur se is ko dekhe kaun

khaa.e nikāle tez zabāñ

kirm patañge raheñ kahāñ

sun batlā.e kyā 'yāsir'

ye phir dost huī nā phir

bhuri bhuri pili ye

zara nahin zahrili ye

dekho kya sharmili si

sust nahin na Dhili si

kaam baDa kar jae ye

kiDe makoDe khae ye

karti koi nuqsan nahin

muzi ye mehman nahin

dum ko kaT le KHatre mein

nikal aae jo hafte mein

kitni ye KHamosh rahe

phir bhi ye ba-hosh rahe

raat nazar aati hai ye

din ko chhup jati hai ye

chhat se girne pae nahin

itne pas ye aae nahin

chehra is ka baDa tikon

ghaur se is ko dekhe kaun

khae nikale tez zaban

kirm patange rahen kahan

sun batlae kya 'yasir'

ye phir dost hui na phir