chhuTTi ka ek din

ek din chhuTTī kā yuuñ guzrā

ki mujh ko dikh ga.e sātoñ tabaq

chāñd kī buḌhiyā

ḳhalāoñ kī hadeñ

sūraj kā ghar

aur kyā dekhā kahāñ dekhā bayāñ kartā chalūñ

shahr se bāhar samundar ke qarīb

ret par phailā huā rangīñ javāñ jismoñ kā gosht

jā-ba-jā phaile hue

bustān rāneñ piñDliyāñ

sharm-gāheñ apnī kuttoñ se chhupā.e laḌkiyāñ

aur jo dekhā

vo āñkheñ dekh kar pathrā ga.iiñ

aur maiñ

dozaḳh-zada jannat meñ baiThā rah gayā

ek din chhuTTi ka yun guzra

ki mujh ko dikh gae saton tabaq

chand ki buDhiya

KHalaon ki haden

suraj ka ghar

aur kya dekha kahan dekha bayan karta chalun

shahr se bahar samundar ke qarib

ret par phaila hua rangin jawan jismon ka gosht

ja-ba-ja phaile hue

bustan ranen pinDliyan

sharm-gahen apni kutton se chhupae laDkiyan

aur jo dekha

wo aankhen dekh kar pathra gain

aur main

dozaKH-zada jannat mein baiTha rah gaya