chor-bazar

kaaTh ke bail mard, shīshe kī

putliyāñ aurteñ, pasīne kī

būñdiyāñ, gul mahak shamīm-e-badan

chāk-e-dil zaḳhm-e-jeb-o-pairāhan

car, lārī, kivāḌ āñkheñ, fan,

la.al-o-almās āhan-o-faulād

qahqahe, chahchahe, fuġhāñ, fariyād

soii, hāthī, anāth, bachche, dil

tishnagī, talḳhiyāñ, tajallī, diid

kaun sī aas, kaun sī ummīd

kaun sī jins chāhiye tujh ko

har zarūrat kā maal hāzir hai

maal ye sab kahāñ se aatā hai

bechtā kaun, kaun laatā hai

kis se kis ne ise ḳharīdā hai

kitne dāmoñ ye uThtā jaatā hai

bamba.ī kī ariiz saḌkoñ par

jab koī taaza jins duniyā kī

koī nikhrā hasīn-ruḳh, maiñ ne

koī lahkī huī jabīñ dekhī

yahī dil meñ ḳhayāl aayā hai

tajarba-kār koī saudāgar

koī dallāl yā koī sāriq

sar-e-bāzār us ko laayā hai

jaane kis roz biich Dālegā

vo bhī aise ki us ke dāmoñ kā

dūsre haath ko pata na chale

jaane kis roz kitne darvāze

chhū ke ye jins-e-be-bahā āḳhir

kisī fōtpath ke kināre par

''lāT kī lāT'' ban ke uTh jaa.e

zindagī hai ki maal sariqe kā

chor-bāzār hai ki duniyā hai!

kaTh ke bail mard, shishe ki

putliyan aurten, pasine ki

bundiyan, gul mahak shamim-e-badan

chaak-e-dil zaKHm-e-jeb-o-pairahan

car, lari, kiwaD aankhen, fan,

lal-o-almas aahan-o-faulad

qahqahe, chahchahe, fughan, fariyaad

soi, hathi, anath, bachche, dil

tishnagi, talKHiyan, tajalli, did

kaun si aas, kaun si ummid

kaun si jins chahiye tujh ko

har zarurat ka mal hazir hai

mal ye sab kahan se aata hai

bechta kaun, kaun lata hai

kis se kis ne ise KHarida hai

kitne damon ye uThta jata hai

bambai ki ariz saDkon par

jab koi taza jins duniya ki

koi nikhra hasin-ruKH, main ne

koi lahki hui jabin dekhi

yahi dil mein KHayal aaya hai

tajarba-kar koi saudagar

koi dallal ya koi sariq

sar-e-bazar us ko laya hai

jaane kis roz bich Dalega

wo bhi aise ki us ke damon ka

dusre hath ko pata na chale

jaane kis roz kitne darwaze

chhu ke ye jins-e-be-baha aaKHir

kisi footpath ke kinare par

laT ki laT ban ke uTh jae

zindagi hai ki mal sariqe ka

chor-bazar hai ki duniya hai!