chori-shuda KHwab ki talash

jab raat

ḳhvāboñ ke silsile le kar utartī hai

to shab-zāde apne ḳhvāb sajā kar so jaate haiñ

magar merī vīrān ā.ankhoñ se

niiñd ye kah kar ruḳhsat ho jaatī hai

ki mujhe sirf un ā.ankhoñ meñ raat kāTnī hai

jahāñ ḳhvāboñ kī hukmarānī hai

magar use ye kaun batā.e ki

merā ḳhvāb ek muddat se lāpata hai

tab se merī ā.ankhoñ ne niiñd kā zā.iqa nahīñ chakhā

maiñ ne shab ko apne gum-shuda ḳhvāb kī alāmateñ batā.īñ

to vo dhīre se muskurā dī aur bolī:

''maiñ ne sab se anmol ḳhvāb tumhārī ā.ankhoñ meñ sajāyā thā''

ye kah kar shab ne har aañkh meñ chhāpe maare

magar merā ḳhvāb barāmad na huā

is ne kahā:

''tumhārā ḳhvāb tumhāre andar se churāyā gayā hai

agar tum apnī nasl ko be-ḳhvābī ke azaab se bachānā chāhte ho

to tumheñ apnā ḳhvāb ḳhud hī DhūñDhnā paḌegā''

tab se maiñ rat-jagoñ kī nigahbānī meñ

apne andar se

apnā chorī-shuda ḳhvāb talāsh kar rahā huuñ

jab raat

KHwabon ke silsile le kar utarti hai

to shab-zade apne KHwab saja kar so jate hain

magar meri viran aaankhon se

nind ye kah kar ruKHsat ho jati hai

ki mujhe sirf un aaankhon mein raat kaTni hai

jahan KHwabon ki hukmarani hai

magar use ye kaun batae ki

mera KHwab ek muddat se lapata hai

tab se meri aaankhon ne nind ka zaiqa nahin chakha

main ne shab ko apne gum-shuda KHwab ki alamaten batain

to wo dhire se muskura di aur boli:

main ne sab se anmol KHwab tumhaari aaankhon mein sajaya tha

ye kah kar shab ne har aankh mein chhape mare

magar mera KHwab baramad na hua

is ne kaha:

tumhaara KHwab tumhaare andar se churaya gaya hai

agar tum apni nasl ko be-KHwabi ke azab se bachana chahte ho

to tumhein apna KHwab KHud hi DhunDhna paDega

tab se main rat-jagon ki nigahbani mein

apne andar se

apna chori-shuda KHwab talash kar raha hun