chuhiya ki fariyaad

allah miyāñ maiñ tere sadqe

bekas kī fariyād tū sun le

mujh ko na de tū duudh malā.ī

mujh ko na de tū nān-ḳhatā.ī

laDDū peḌe barfī jalebī

kab haiñ ye qismat meñ merī

ek nivāla merī ġhizā hai

vo bhī nahīñ mujh ko miltā hai

is ghar meñ hai Dheroñ har shai

mere liye par kuchh bhī nahīñ hai

jaam murabbe chaTpaTī chīzeñ

band haiñ saarī almārī meñ

aaTe ke aur ghī ke kanastar

taale paḌe haiñ in meñ yaksar

hañDiyā rahtī hai chhīñke par

vo bhī merī pahuñch se bāhar

billī ke bhāgūñ chhiñkā TuuTe

mere bhāgoñ bartan jhūTe

merī qismat meñ hai likkhā

roTī kā bas sūkhā TukḌā

lekin ye TukḌā bhī ab to

mushkil se miltā hai mujh ko

ghar meñ chūhe-dān hai rakkhā

ek hai billī ek hai billā

jiinā huā hai mujh ko ajīran

maiñ huuñ akelī do do dushman

sog meñ rahtī huuñ maiñ har dam

khaa.e jaatā hai mujh ko ġham

chāñdnī dekho kaisī khulī hai

lo vo kahīñ Dholak bhī bajī hai

dard bhare hoñ dil meñ jab aise

tum hī kaho maiñ nāchūñ kaise

allah miyan main tere sadqe

bekas ki fariyaad tu sun le

mujh ko na de tu dudh malai

mujh ko na de tu nan-KHatai

laDDu peDe barfi jalebi

kab hain ye qismat mein meri

ek niwala meri ghiza hai

wo bhi nahin mujh ko milta hai

is ghar mein hai Dheron har shai

mere liye par kuchh bhi nahin hai

jam murabbe chaTpaTi chizen

band hain sari almari mein

aaTe ke aur ghi ke kanastar

tale paDe hain in mein yaksar

hanDiya rahti hai chhinke par

wo bhi meri pahunch se bahar

billi ke bhagun chhinka TuTe

mere bhagon bartan jhuTe

meri qismat mein hai likkha

roTi ka bas sukha TukDa

lekin ye TukDa bhi ab to

mushkil se milta hai mujh ko

ghar mein chuhe-dan hai rakkha

ek hai billi ek hai billa

jina hua hai mujh ko ajiran

main hun akeli do do dushman

sog mein rahti hun main har dam

khae jata hai mujh ko gham

chandni dekho kaisi khuli hai

lo wo kahin Dholak bhi baji hai

dard bhare hon dil mein jab aise

tum hi kaho main nachun kaise