chumta pani, pani pani

phaTte irāde yaqīn musībat paañv dhulā.e

chashma ki hoñT shabīh-e-luāb mayassar raat anokhā sāneha ho jā.egā

maile kañval ke phuul Dubotā lipaT lipaT kar chūmtā pānī, paanī paanī

nadāmat se maġhlūb ḳharābī: madd-o-jazr maujūd tabī.at kā taḳhrīb tamāsha

murāja.at āñkhoñ se ojhal chhūtī bahātī be-tartīb azaab hai

harī-bharī bechārgī kaise? aks-e-shabāhat pankhuḌiyoñ kā

vo jo irāde kī tarkīb nahīñ pā saktā laraz rahā hai

phuul tashaddud ḳhauf meñ ġharq-e-harārat Dūbtī ubhartī patiyāñ

keñchulī utre to baat bane maiñ kah duuñ? kar guzrūñ?

a.asāb tashannuj phailtī be-ruḳh bātoñ kī tardīd-e-qayāmat kar bhī chuko

ye hādsa dā.era sā ye simaTtā phailtā sarpaT bhāgte qadmoñ kī lū par jal-bhun raakh ho

sho.ala thiraktā riiḌh kī haDDī se maġhz ke hukm-e-salāsil chāTtā

din paane kī laġhzish kar le kar hī le majbūrī aa letī hai

chau-gard kī gardish raakh qarīne kī yakjā.ī tamsīl-e-ba-zāhir kī tā.īd meñ rakhtī hai

uñgliyāñ uñgliyāñ, bāteñ bāteñ, pasīna pasīna baaqī baaqī

aur bechārgī

tāham to ye tayaqqun tark-e-taġhāful Thahre

qaul qayāmat aane ke jatan kare taqrīb-e-tamāsha DhūñDe

chhupī rahe, taḌpā.e, taḌpe

phaTte irade yaqin musibat panw dhulae

chashma ki honT shabih-e-luab mayassar raat anokha saneha ho jaega

maile kanwal ke phul Dubota lipaT lipaT kar chumta pani, pani pani

nadamat se maghlub KHarabi: madd-o-jazr maujud tabiat ka taKHrib tamasha

murajat aankhon se ojhal chhuti bahati be-tartib azab hai

hari-bhari bechaargi kaise? aks-e-shabahat pankhuDiyon ka

wo jo irade ki tarkib nahin pa sakta laraz raha hai

phul tashaddud KHauf mein gharq-e-hararat Dubti ubharti patiyan

kenchuli utre to baat bane main kah dun? kar guzrun?

aasab tashannuj phailti be-ruKH baaton ki tardid-e-qayamat kar bhi chuko

ye hadsa daera sa ye simaTta phailta sarpaT bhagte qadmon ki lu par jal-bhun rakh ho

shoala thirakta riDh ki haDDi se maghz ke hukm-e-salasil chaTta

din pane ki laghzish kar le kar hi le majburi aa leti hai

chau-gard ki gardish rakh qarine ki yakjai tamsil-e-ba-zahir ki taid mein rakhti hai

ungliyan ungliyan, baaten baaten, pasina pasina baqi baqi

aur bechaargi

taham to ye tayaqqun tark-e-taghaful Thahre

qaul qayamat aane ke jatan kare taqrib-e-tamasha DhunDe

chhupi rahe, taDpae, taDpe