coffee cup reading

use message to bhejā hai

ki coffē par milo mujh se

vo aa jā.egī to achchhā

maiñ pahle sirf do coffē mañgāūñgā

maiñ cappucino piitā huuñ

vo kaisī coffē piitī hai

is kā andāza to us ke aane par hogā

hamāre paas to bāteñ bhī kam haiñ

so coffē jald p leñge

jo us ke cup meñ thoḌā jhaag coffē kā bachā hogā

maiñ us kī shape ko paḌh kar use future batā.uñgā

batā.ūñgā use maiñ

kaise vo mujh jaise ik laḌke kī duniyā ko badal degī

use ma.alūm hogā kyā ki coffē cup kī reading kā tarīqa ye nahīñ hotā?

maiñ cafe aa chukā huuñ

vo bhī raste meñ kahīñ hogī

bahut se log cafe aa ke paḌhte likhte rahte haiñ

mohammad 'alvī kī nazmeñ to maiñ bhī saath laayā huuñ

ye hogā to nahīñ phir bhī vo aa.ī hī nahīñ to phir

inhīñ logoñ ke jaise maiñ bhī paḌh kar vaqt kāTūñgā

use aane meñ derī ho rahī hai

maiñ ik coffē to tanhā p chukā huuñ

zarā sā jhaag cup meñ hai jise dekho to lagtā hai

ki ik laḌkā akelā baiTh kar kuchh paḌh rahā hai

tasallī de rahā huuñ ab maiñ ḳhud ko

ye merī shaam kā future nahīñ hai

ki coffē cup kī reading kā tarīqa ye nahīñ hotā

use message to bheja hai

ki coffee par milo mujh se

wo aa jaegi to achchha

main pahle sirf do coffee mangaunga

main cappucino pita hun

wo kaisi coffee piti hai

is ka andaza to us ke aane par hoga

hamare pas to baaten bhi kam hain

so coffee jald p lenge

jo us ke cup mein thoDa jhag coffee ka bacha hoga

main us ki shape ko paDh kar use future bataunga

bataunga use main

kaise wo mujh jaise ek laDke ki duniya ko badal degi

use malum hoga kya ki coffee cup ki reading ka tariqa ye nahin hota?

main cafe aa chuka hun

wo bhi raste mein kahin hogi

bahut se log cafe aa ke paDhte likhte rahte hain

mohammad 'alwi ki nazmen to main bhi sath laya hun

ye hoga to nahin phir bhi wo aai hi nahin to phir

inhin logon ke jaise main bhi paDh kar waqt kaTunga

use aane mein deri ho rahi hai

main ek coffee to tanha p chuka hun

zara sa jhag cup mein hai jise dekho to lagta hai

ki ek laDka akela baiTh kar kuchh paDh raha hai

tasalli de raha hun ab main KHud ko

ye meri sham ka future nahin hai

ki coffee cup ki reading ka tariqa ye nahin hota