dafnane mein pahle hi bahut der ho gai hai

mere sāmne tumhārā janāza rakhā hai

log kah rahe haiñ tum mar ga.e ho

kisī ne mere sar pe dupaTTa Daalā hai

safed burrāq be-dāġh

merī saarī chūḌiyāñ kisī ne kach kach kar ke toḌ dī haiñ

patā nahīñ kaun hai jo baar baar kah rahā hai

ro lo thoḌā sā ro lo dil kā bojh halkā ho jā.egā

mujhe rone ke bajā.e hañsī aa.e chalī jā rahī hai

jī chaah rahā hai ḳhuub zor zor se qahqahe lagā.ūñ

kyā rone se saare bojh halke ho jaate haiñ

mere sāmne muddatoñ se tumhārā janāza rakhā hai

aur

maiñ pahlī raat se us ke pā.eñtī baiThī huuñ

na bahne vaale āñsuoñ kā bojh uThā.e

aaj kyā anhonī huī hai

ta.affun se dimāġh phaTe jā rahā hai

are koī suntā hai

janāza uThāo dafnāne meñ pahle hī bahut der ho ga.ī hai

mere samne tumhaara janaza rakha hai

log kah rahe hain tum mar gae ho

kisi ne mere sar pe dupaTTa Dala hai

safed burraq be-dagh

meri sari chuDiyan kisi ne kach kach kar ke toD di hain

pata nahin kaun hai jo bar bar kah raha hai

ro lo thoDa sa ro lo dil ka bojh halka ho jaega

mujhe rone ke bajae hansi aae chali ja rahi hai

ji chah raha hai KHub zor zor se qahqahe lagaun

kya rone se sare bojh halke ho jate hain

mere samne muddaton se tumhaara janaza rakha hai

aur

main pahli raat se us ke paenti baiThi hun

na bahne wale aansuon ka bojh uThae

aaj kya anhoni hui hai

taffun se dimagh phaTe ja raha hai

are koi sunta hai

janaza uThao dafnane mein pahle hi bahut der ho gai hai