dam toDti hai sham ki nili hawa

āsmāñ kyuuñ duur hotā jā rahā hai

titliyāñ aur fāḳhtā.eñ

apnī maftūha fazā par mutma.in haiñ

mujh meñ kyuuñ dam toḌtī hai shaam kī niilī havā

mujh meñ kyuuñ so.e parinde

mujh se kyuuñ ūñche daraḳhtoñ kī zamīñ chhupne lagī

āsmāñ kyuuñ duur hotā jā rahā hai

raat ke is shāmiyāne meñ koī mausam nahīñ hai

aaj maidānoñ meñ

ik saaya chalegā duur tak

aaj dariyāoñ meñ koī Dūbtā jā.egā

phir ūñche pahāḌoñ par koī āvāz niilī dhund bantī jā.egī

tum apne darvāzoñ pe likh do

aaj kī shab chāñd ko garhan lagegā

niiñd ko āñkheñ nahīñ mil pā.eñgī

aasman kyun dur hota ja raha hai

titliyan aur faKHtaen

apni maftuha faza par mutmain hain

mujh mein kyun dam toDti hai sham ki nili hawa

mujh mein kyun soe parinde

mujh se kyun unche daraKHton ki zamin chhupne lagi

aasman kyun dur hota ja raha hai

raat ke is shamiyane mein koi mausam nahin hai

aaj maidanon mein

ek saya chalega dur tak

aaj dariyaon mein koi Dubta jaega

phir unche pahaDon par koi aawaz nili dhund banti jaegi

tum apne darwazon pe likh do

aaj ki shab chand ko garhan lagega

nind ko aankhen nahin mil paengi