Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

daraKHt mere dost

Sarvat Husain

daraKHt mere dost

Sarvat Husain

MORE BYSarvat Husain

    daraḳht! mere dost

    tum mil jaate ho kisī na kisī moḌ par

    aur āsān kar dete ho safar

    tumhāre pair uñgliyāñ

    jamī rahīñ pātāl ke bhedoñ par

    qaa.em rahe mere dost

    tumhāre tane matānat aur quvvat

    dhuup aur bārish tumheñ apne tohfoñ se navāztī rahe

    tum bahut pur-vaqār aur saada ho

    mere thaile ko jānñā chāhte ho

    zarūr.... ye lo maiñ ise kholtā huuñ

    roTiyāñ duā.eñ aur nazmeñ

    mere paas is se ziyāda kuchh nahīñ

    ek shā.er ke paas is se ziyāda kuchh nahīñ hotā

    dost dukh denā tum ne sīkhā nahīñ

    tum ne na to mujh se shā.erī matlab pūchhā

    aur na kabhī mere mutāle.e par shak kiyā

    aisā honā chāhiye dostoñ ko

    agar mere paas ik aur zindagī hotī to

    to maiñ apnī pahlī zindagī tumhārī jaḌoñ par guzār detā

    magar maiñ ghar se ḳhāndān bhar ḳhushiyoñ ke liye niklā huuñ

    aur vahāñ merā intizār kiyā rahā hai

    tum ne mere dost

    haañ tum ne

    bahut kuchh sikhāyā hai mujhe

    maslan zamīn aur āsmānī bijlī

    aur havā

    aur intizār

    aur dūsroñ ke liye zinda rahnā

    bahut qīmtī haiñ ye bāteñ

    maiñ kyā de saktā huuñ is fayyāzī javāb

    mere paas tumhāre liye

    ek roTī aur duā hai

    roTī: tumhārī chiyūñTiyoñ ke liye

    duā tumhāre āḳhirī din ke liye

    mujhe ma.alūm hai tum ne kulhāḌī ke musāfahe

    aur aarī hañsī se kabhī ḳhauf nahīñ khāyā

    magar tum rok nahīñ sakte inheñ

    koī bhī nahīñ rok saktā

    ḳhudā kare

    ḳhudā kare tumhārī shāḳhoñ se ek jhoñpaḌī banā.ī jaa.e

    bāzuoñ ke ghere meñ na aane vaale tumhāre

    tane lakḌī

    bahut kaafī hai

    do pahiyoñ aur ek kashtī ke liye

    dost: ham phir mileñge

    musāfir aur chhakḌā

    musāfir aur kashtī

    kahīñ na kahīñ ham phir ek saath hoñge

    kahīñ na kahīñ

    ek saath.... ham sāmnā kareñge

    havā aur rāstoñ

    masarrat aur maut kaa....

    daraKHt! mere dost

    tum mil jate ho kisi na kisi moD par

    aur aasan kar dete ho safar

    tumhaare pair ki ungliyan

    jami rahin patal ke bhedon par

    qaem rahe mere dost

    tumhaare tane ki matanat aur quwwat

    dhup aur barish tumhein apne tohfon se nawazti rahe

    tum bahut pur-waqar aur sada ho

    mere thaile ko jaanna chahte ho

    zarur ye lo main ise kholta hun

    roTiyan duaen aur nazmen

    mere pas is se ziyaada kuchh nahin

    ek shaer ke pas is se ziyaada kuchh nahin hota

    dost dukh dena tum ne sikha hi nahin

    tum ne na to mujh se shaeri ka matlab puchha

    aur na kabhi mere mutalee par shak kiya

    aisa hi hona chahiye doston ko

    agar mere pas ek aur zindagi hoti to

    to main apni pahli zindagi tumhaari jaDon par guzar deta

    magar main ghar se KHandan bhar KHushiyon ke liye nikla hun

    aur wahan mera intizar kiya ja raha hai

    tum ne mere dost

    han tum ne

    bahut kuchh sikhaya hai mujhe

    maslan zamin aur aasmani bijli

    aur hawa

    aur intizar

    aur dusron ke liye zinda rahna

    bahut qimti hain ye baaten

    main kya de sakta hun is fayyazi ka jawab

    mere pas tumhaare liye

    ek roTi aur dua hai

    roTi: tumhaari chiyunTiyon ke liye

    dua tumhaare aaKHiri din ke liye

    mujhe malum hai tum ne kulhaDi ke musafahe

    aur aari ki hansi se kabhi KHauf nahin khaya

    magar tum rok nahin sakte inhen

    koi bhi nahin rok sakta

    KHuda kare

    KHuda kare tumhaari shaKHon se ek jhonpaDi banai jae

    bazuon ke ghere mein na aane wale tumhaare

    tane ki lakDi

    bahut kafi hai

    do pahiyon aur ek kashti ke liye

    dost: hum phir milenge

    musafir aur chhakDa

    musafir aur kashti

    kahin na kahin hum phir ek sath honge

    kahin na kahin

    ek sath hum samna karenge

    hawa ka aur raston ka

    masarrat aur maut ka

    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now