dard ki mala

hamāre darmiyāñ ai dost

ye jo isti.āra phuul kā mahkā rahā

bandhan meñ ham ko bāñdh kar

khiltā rahā ik umr

merā dil

bahaltā hī nahīñ ab un kī bātoñ se

kabhī tum ḳhushbuoñ kā zikr karte ho

to merī naak meñ tezāb kī bū phail jaatī hai

tumhārī shā.irī bār-e-garāñ ab hai samā.at par

ki zarḳhezī guloñ se is meñ qaa.em hai

vo gul

ki jin ko maiñ dekhūñ kabhī

zeb-e-gulū un ke

jo aa.e haiñ masal kar phuul hī jaisā hasīñ paikar

bahut se log qātil ke

gale meñ phuul kī mālā.eñ laTkā kar

use ashkoñ kā nazrāna bhī dete haiñ

to maiñ munsif kā chehra dekh kar hairān hotā huuñ

junūnī bhiiḌ meñ jā kar

simaT kar phail jaatā huuñ

aur apne dard ko sunsān kartā huuñ

hamare darmiyan ai dost

ye jo istiara phul ka mahka raha

bandhan mein hum ko bandh kar

khilta raha ek umr

mera dil

bahalta hi nahin ab un ki baaton se

kabhi tum KHushbuon ka zikr karte ho

to meri nak mein tezab ki bu phail jati hai

tumhaari shairi bar-e-garan ab hai samaat par

ki zarKHezi gulon se is mein qaem hai

wo gul

ki jin ko main dekhun kabhi

zeb-e-gulu un ke

jo aae hain masal kar phul hi jaisa hasin paikar

bahut se log qatil ke

gale mein phul ki malaen laTka kar

use ashkon ka nazrana bhi dete hain

to main munsif ka chehra dekh kar hairan hota hun

jununi bhiD mein ja kar

simaT kar phail jata hun

aur apne dard ko sunsan karta hun