aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dariya kinare chandni

Akhtar Shirani

dariya kinare chandni

Akhtar Shirani

MORE BYAkhtar Shirani

    kyā chhā rahī hai chāñdnī

    iThlā rahī hai chāñdnī

    dariyā ik ik lahar ko

    nahlā rahī hai chāñdnī

    lahrā rahī hai chāñdnī

    dariyā kināre dekhnā

    paanī meñ taare dekhnā

    tāroñ ko dāman meñ liye

    kyā kyā nazāre dekhnā

    dikhlā rahī hai chāñdnī

    ThanDī havā ḳhāmosh hai

    ujlī fazā ḳhāmosh hai

    ḳhāmosh hai saarā jahāñ

    har ik sadā ḳhāmosh hai

    aur chhā rahī hai chāñdnī

    dekho samay vo duur ke

    ḳheme khaḌe haiñ nuur ke

    dariyā niilī sat.h par

    kuchh phuul se billor ke

    barsā rahī hai chāñdnī

    ai lo vo badlī aa ga.ī

    aur chāñdnī par chhā ga.ī

    bāhar nikalne ke liye

    phir aa.ī phir katrā ga.ī

    ghabrā rahī hai chāñdnī

    lo raat ke manzar chale

    taare bhī ghul ghul kar chale

    baiThe hue yaañ kyā kareñ

    'aḳhtar' ham apne ghar chale

    ab rahī hai chāñdnī

    kya chha rahi hai chandni

    iThla rahi hai chandni

    dariya ki ek ek lahar ko

    nahla rahi hai chandni

    lahra rahi hai chandni

    dariya kinare dekhna

    pani mein tare dekhna

    taron ko daman mein liye

    kya kya nazare dekhna

    dikhla rahi hai chandni

    ThanDi hawa KHamosh hai

    ujli faza KHamosh hai

    KHamosh hai sara jahan

    har ek sada KHamosh hai

    aur chha rahi hai chandni

    dekho samay wo dur ke

    KHeme khaDe hain nur ke

    dariya ki nili sath par

    kuchh phul se billor ke

    barsa rahi hai chandni

    ai lo wo badli aa gai

    aur chandni par chha gai

    bahar nikalne ke liye

    phir aai phir katra gai

    ghabra rahi hai chandni

    lo raat ke manzar chale

    tare bhi ghul ghul kar chale

    baiThe hue yan kya karen

    'aKHtar' hum apne ghar chale

    ab ja rahi hai chandni

    Source:

    Phoolon Ke Geet (Pg. 34)

    • Author: Akhtar Shirani
      • Publisher: Darul Ishaat Panjab, Lahore
      • Year of Publication: 1936

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now