Darte Darte dam-e-sahar se

chāñd begāna hai kaun is ko kahegā apnā

is ke hālāt judā is ke maqāmāt judā

nau-damīda kabhī kāmil kabhī nāpaid kabhī

bas yahī rañg-e-talavvun hai tashaḳhḳhus is kā

taare sargoshiyāñ karte rahe in kī tab-o-tāb

in se achchhī ki rasā.ī mire dil tak paa.ī

chāñd ne sochā mirā qissa bhī mujh se behtar

jo vahāñ chaltā rahā guuñj yahāñ tak aa.ī

varna āfāq kī ye kār-r-gah-e-shīsha-garī

is meñ Dhaltī haiñ ajab bhed bharī sīmā.eñ

qurb kī had se tajāvuz ho to darpesh-e-fanā

intihā duurī kī chhū leñ to bikhar hī jaa.eñ

tab zamīñ ubhrī miTā vāhima-e-tanhā.ī

jaag uThā hamhama anvā-e-kashish kā hama-gīr

jaag uThī ā.īna-e-rū-ba-rū karvaT letī

ūñche āfāq-shikan sail kī mastāna nafīr

ujlī iksīr sī miTTī vahīñ lau detī huī

jhūmte peḌoñ ke saa.e haiñ jahāñ naqsh-ārā

partv-e-māh na hotā to ye dīvān-e-basīt

is bayābāñ meñ na tartīb diyā jā saktā

naġhma-e-mauj bhī mauj is kā hai dariyā gahrā

lahja-e-'mīr' kī gīrā.ī kā jaadū jaagā

chāñdnī ho na kahīñ nālā-e-nai kī tajsīm

ab to pahchānñā mushkil hai kahāñ kaun hai kyā

chand begana hai kaun is ko kahega apna

is ke haalat juda is ke maqamat juda

nau-damida kabhi kaamil kabhi napaid kabhi

bas yahi rang-e-talawwun hai tashaKHKHus is ka

tare sargoshiyan karte rahe in ki tab-o-tab

in se achchhi ki rasai mere dil tak pai

chand ne socha mera qissa bhi mujh se behtar

jo wahan chalta raha gunj yahan tak aai

warna aafaq ki ye kar-r-gah-e-shisha-gari

is mein Dhalti hain ajab bhed bhari simaen

qurb ki had se tajawuz ho to darpesh-e-fana

intiha duri ki chhu len to bikhar hi jaen

tab zamin ubhri miTa wahima-e-tanhai

jag uTha hamhama anwa-e-kashish ka hama-gir

jag uThi aaina-e-ru-ba-ru karwaT leti

unche aafaq-shikan sail ki mastana nafir

ujli iksir si miTTi wahin lau deti hui

jhumte peDon ke sae hain jahan naqsh-ara

partw-e-mah na hota to ye diwan-e-basit

is bayaban mein na tartib diya ja sakta

naghma-e-mauj bhi mauj is ka hai dariya gahra

lahja-e-'mir' ki girai ka jadu jaga

chandni ho na kahin nala-e-nai ki tajsim

ab to pahchanna mushkil hai kahan kaun hai kya