dasht-e-wafa

dost kahte haiñ tire dasht-e-vafā meñ kaise

itnī ḳhushbū hai mahaktā ho gulistāñ jaise

go baḌī chiiz hai ġhamḳhavāri-e-arbāb-e-vafā

kitne be-gāna-e-ā.īn-e-vafā haiñ ye log

zaḳhm-dar-zaḳhm mohabbat ke chaman-zār meñ bhī

faqat ik ġhuncha-e-mantiq ke gadā haiñ ye log

maiñ unheñ gulshan-e-ehsās dikhā.ūñ kaise

jin kī parvāz-e-basīrat par-e-bulbul tak hai

vo na dekheñge kabhī had-e-nazar se aage

aur mirī hadd-e-nazar hadd-e-taḳhayyul tak hai

dil ke bhedoñ ko bhī mantiq meñ jo uljhāte haiñ

yuuñ samajh leñ ki babūloñ meñ bhī phuul aate haiñ

dost kahte hain tere dasht-e-wafa mein kaise

itni KHushbu hai mahakta ho gulistan jaise

go baDi chiz hai ghamKHawari-e-arbab-e-wafa

kitne be-gana-e-ain-e-wafa hain ye log

zaKHm-dar-zaKHm mohabbat ke chaman-zar mein bhi

faqat ek ghuncha-e-mantiq ke gada hain ye log

main unhen gulshan-e-ehsas dikhaun kaise

jin ki parwaz-e-basirat par-e-bulbul tak hai

wo na dekhenge kabhi had-e-nazar se aage

aur meri hadd-e-nazar hadd-e-taKHayyul tak hai

dil ke bhedon ko bhi mantiq mein jo uljhate hain

yun samajh len ki babulon mein bhi phul aate hain