guzar rahe hain guzarne wale

larazne vaale laraz rahe haiñ

larazte jhoñke

guzarte bal khāte reñgte sarsarāte jhoñke

nisā.ī malbūs kī tarah sarsarāne vaale

kaḌakne vaalī kī chābukoñ se

agarche daur-e-ravāñ ke aañsū Tapak rahe haiñ

magar nazar jis taraf bhī uThtī hai dekhtī hai

guzar rahe haiñ guzarne vaale

ye kaun dubkā huā is āvāra rāste meñ khaḌā huā hai

ki jaise sābun kā koī rañgīn bulbula ho

zamīñ ke bachpan meñ jo bhī shai thī vo nā-shanāsā-e-arzū thī

shabāb aayā to reñgne vaalī reñg uThī

aur aaj ye haal hai ki har shai ye chāhtī hai

ki ek tūfān ban ke girā.e rāstoñ meñ

ye kaun dubkā huā us āvāra rāste meñ khaḌā huā hai

ki jis tarah bahte bahte āvāz ruk ke ye sochne lagī ho

ki jū-e-sahrā bahegī kab tak

ye zindagī ek jū-e-sahrā hai bah rahī hai

larazne vaale laraz rahe haiñ

magar nazar jis taraf bhī uThtī hai dekhtī hai

guzar rahe haiñ guzarne vaale

larazne wale laraz rahe hain

larazte jhonke

guzarte bal khate rengte sarsaraate jhonke

nisai malbus ki tarah sarsarane wale

kaDakne wali ki chabukon se

agarche daur-e-rawan ke aansu Tapak rahe hain

magar nazar jis taraf bhi uThti hai dekhti hai

guzar rahe hain guzarne wale

ye kaun dubka hua is aawara raste mein khaDa hua hai

ki jaise sabun ka koi rangin bulbula ho

zamin ke bachpan mein jo bhi shai thi wo na-shanasa-e-arzu thi

shabab aaya to rengne wali reng uThi

aur aaj ye haal hai ki har shai ye chahti hai

ki ek tufan ban ke girae raston mein

ye kaun dubka hua us aawara raste mein khaDa hua hai

ki jis tarah bahte bahte aawaz ruk ke ye sochne lagi ho

ki ju-e-sahra bahegi kab tak

ye zindagi ek ju-e-sahra hai bah rahi hai

larazne wale laraz rahe hain

magar nazar jis taraf bhi uThti hai dekhti hai

guzar rahe hain guzarne wale