Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dehli wa lucknow

Hakeem Aagha Jan Aish

dehli wa lucknow

Hakeem Aagha Jan Aish

MORE BYHakeem Aagha Jan Aish

    ho ga.e vīrān dehlī-o-dayār-e-lakhna.ū

    ab kahāñ vo lutf-e-dehlī-e-bahār-o-lakhna.ū

    bāġh-e-dehlī to huā yuuñ yak-qalam-barbād aur

    mil gayā sab ḳhaak meñ naqsh-o-nigār-e-lakhna.ū

    ahl-e-jauhar to milā.e ḳhaak meñ dehlī ke vaañ

    rah ga.e yuuñ be-sar-o-pā vazadār-e-lakhna.ū

    jo the dehlī meñ amā.id vo kiye yaksar ḳharāb

    aur tabah saare kiye sāhab vaqār-e-lakhna.ū

    thā ḳhas-o-ḳhāshāk-e-dehlī ġhairat-e-sad-lāla-zār

    rashk-e-sad-gulzār thā ek ek ḳhār-e-lakhna.ū

    so falak ne yuuñ kiyā dehlī ko to pāmāl-e-jaur

    aur kiyā vaqf-e-jafā har-barg-o-bār-e-lakhna.ū

    rashk-e-sad-ḳhurshīd thā har-zarra-e-dehlī sunā

    mārtā chashmak safā par thā ġhubār-e-lakhna.ū

    ġham meñ dehlī ke guloñ ke to garebāñ chaak haiñ

    aur sausan hai chaman meñ sogvār-e-lakhna.ū

    TukḌe hotā hai jigar dehlī ke sadme sun ke 'aish'

    aur dil phahTtā hai sun kar hāl-e-zār-e-lakhna.ū

    ho gae viran dehli-o-dayar-e-lakhnau

    ab kahan wo lutf-e-dehli-e-bahaar-o-lakhnau

    bagh-e-dehli to hua yun yak-qalam-barbaad aur

    mil gaya sab KHak mein naqsh-o-nigar-e-lakhnau

    ahl-e-jauhar to milae KHak mein dehli ke wan

    rah gae yun be-sar-o-pa wazadar-e-lakhnau

    jo the dehli mein amaid wo kiye yaksar KHarab

    aur tabah sare kiye sahab waqar-e-lakhnau

    tha KHas-o-KHashak-e-dehli ghairat-e-sad-lala-zar

    rashk-e-sad-gulzar tha ek ek KHar-e-lakhnau

    so falak ne yun kiya dehli ko to pamal-e-jaur

    aur kiya waqf-e-jafa har-barg-o-bar-e-lakhnau

    rashk-e-sad-KHurshid tha har-zarra-e-dehli suna

    marta chashmak safa par tha ghubar-e-lakhnau

    gham mein dehli ke gulon ke to gareban chaak hain

    aur sausan hai chaman mein sogwar-e-lakhnau

    TukDe hota hai jigar dehli ke sadme sun ke 'aish'

    aur dil phahTta hai sun kar haal-e-zar-e-lakhnau

    Source:

    Urdu Me.n Qaumi Shayri ke 100 Saal (Pg. E-107 B-108)

      • Edition: 1959
      • Publisher: Parkashan Shakha Mohkam-e-Ittilaat, U. P.
      • Year of Publication: 1959
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now