dhanak-rang

pahāḌī ke us paar koī dhanak hai nahīñ hai

dhanak ke sire par koī jādū-nagrī paristāñ ḳhazāna mirā muntazir hai

nahīñ hai

mujhe koī dhokā nahīñ hai

samundar ke us paar se aane vaalī havāoñ meñ koī sandesa nahīñ hai

agar kuchh nahīñ hai to saarī tag-o-dau ye imroz-o-fardā ke sab silsile kis liye haiñ

ufuq se pare marġh-zāroñ kī āḳhir hadoñ tak pahuñchne kī ḳhvāhish

sarāboñ ke dhuñdle hayūloñ kā pīchhā

ye sab kis liye hai

kisī ḳhvāb kī koī sūrat nahīñ hai

ḳhushī koī tohfa nahīñ jo christmas kī shab koī chupke se de jā.egā

maiñ elis nahīñ huuñ alif-lailvī shāhzādī nahīñ huuñ

maiñ 'azrā' huuñ

aur mere aur zindagī ke ta.alluq se jo bhī hai duniyā meñ vo asliyat hai

mirī shā.irī giit sañgīt

sab dil ke mausam

chāhne chāhe jaane kī ḳhvāhish meñ rishtoñ kī sangīniyāñ

kuchh rifāqat ke anmol motī

mohabbat kī shabnam meñ Duubī huī adh-khilī zard kaliyāñ

buzurgoñ se paa.ī huī sab muqaddas duā.eñ

zindagānī kī sab dhuup chhāñv

ḳhazāna hai merā

dhanak-rañg mujh meñ samā.e hue haiñ

pahaDi ke us par koi dhanak hai nahin hai

dhanak ke sire par koi jadu-nagri paristan KHazana mera muntazir hai

nahin hai

mujhe koi dhoka nahin hai

samundar ke us par se aane wali hawaon mein koi sandesa nahin hai

agar kuchh nahin hai to sari tag-o-dau ye imroz-o-farda ke sab silsile kis liye hain

ufuq se pare margh-zaron ki aaKHir hadon tak pahunchne ki KHwahish

sarabon ke dhundle hayulon ka pichha

ye sab kis liye hai

kisi KHwab ki koi surat nahin hai

KHushi koi tohfa nahin jo christmas ki shab koi chupke se de jaega

main elis nahin hun alif-lailwi shahzadi nahin hun

main 'azra' hun

aur mere aur zindagi ke talluq se jo bhi hai duniya mein wo asliyat hai

meri shairi git sangit

sab dil ke mausam

chahne chahe jaane ki KHwahish mein rishton ki sanginiyan

kuchh rifaqat ke anmol moti

mohabbat ki shabnam mein Dubi hui adh-khili zard kaliyan

buzurgon se pai hui sab muqaddas duaen

zindagani ki sab dhup chhanw

KHazana hai mera

dhanak-rang mujh mein samae hue hain