dhund ka safar

duur tak dhuñdlake se pur hai fazā vaadī kī

shai har ik duud ne āġhosh meñ le rakkhī hai

rahguzar golf kā maidān sabza-zār-o-daraḳht

sabt tasvīr kī mānind hue haiñ saare

shahr kī koī imārat nazar nahīñ aatī

koī gul koī harārat nazar nahīñ aatī

ḳhāmushī sabt hai behosh sī be-hoshī hai

ḳhvāb ḳhvābīda hai mad.hosh sī mad.hoshī hai

koī haijān nahīñ dukh nahīñ rāhat bhī nahīñ

duur tak koī nahīñ kuchh bhī nahīñ kuchh bhī nahīñ

ek jānib ki jidhar dhund aur ziyāda hai

vo kisī saa.e ke mānind chalā jaatā hai

dur tak dhundlake se pur hai faza wadi ki

shai har ek dud ne aaghosh mein le rakkhi hai

rahguzar golf ka maidan sabza-zar-o-daraKHt

sabt taswir ki manind hue hain sare

shahr ki koi imarat nazar nahin aati

koi gul koi hararat nazar nahin aati

KHamushi sabt hai behosh si be-hoshi hai

KHwab KHwabida hai madhosh si madhoshi hai

koi haijaan nahin dukh nahin rahat bhi nahin

dur tak koi nahin kuchh bhi nahin kuchh bhi nahin

ek jaanib ki jidhar dhund aur ziyaada hai

wo kisi sae ke manind chala jata hai