diwali

MORE BYNazeer Banarasi

    ghuT gayā añdhere aaj dam akele meñ

    har nazar Tahaltī hai raushnī ke mele meñ

    aaj DhūñDhne par bhī mil sakī na tārīkī

    maut kho ga.ī shāyad zindagī ke rele meñ

    is tarah se hañstī haiñ aaj dīp-mālā.eñ

    shoḳhiyāñ kareñ jaise saath mil ke bālā.eñ

    har galī na.ī dulhan har saḌak hasīna hai

    har dehāt añgūThī hai har nagar nagīna hai

    paḌ ga.ī hai ḳhatre meñ aaj yam yamrājī

    maut ke bhī māthe par maut pasīna hai

    raat ke karūñ maiñ hai aaj raat kañgan

    ik suhāganī ban kar chhā.ī jaatī hai jogan

    qumqume jale ghar ghar raushnī hai paT paT par

    le ke koī mañgal-ghaT chhā gayā hai ghaT ghaT par

    raushnī karo lekin farz par na aañch aa.e

    ho nigāh siimā par aur kaan aahaT par

    hoshiyār un se bhī jo nigāh phere haiñ

    paak nahīñ tanhā aur bhī luTere haiñ

    chhoḌ apnī nāpākī badal de apnī dhun

    maut legā jīvan do meñ jis ko chāhe chun

    ham haiñ krishn liilā ham haiñ viir bhārat ke

    ham nakul haiñ ham sahdev ham haiñ bhiim ham arjun

    daropdī se durghaTnā duur kar ke chhoḌeñge

    ai samay ke duryodhan chuur kar ke chhoḌeñge

    qabr ho samādhī ho sab ko jagmagā.eñge

    dhuum se shahīdoñ sog ham manāeñge

    tum se kaam lenā hai ham ko dīp-mālāo

    saare diip lau se dil lau baḌhā.eñge

    sab se garmiyāñ le kar siine meñ chhupānā hai

    dil ko is divālī se agnī bam banānā hai

    ghuT gaya andhere ka aaj dam akele mein

    har nazar Tahalti hai raushni ke mele mein

    aaj DhunDhne par bhi mil saki na tariki

    maut kho gai shayad zindagi ke rele mein

    is tarah se hansti hain aaj dip-malaen

    shoKHiyan karen jaise sath mil ke baalaen

    har gali nai dulhan har saDak hasina hai

    har dehat anguThi hai har nagar nagina hai

    paD gai hai KHatre mein aaj yam ki yamraji

    maut ke bhi mathe par maut ka pasina hai

    raat ke karun main hai aaj raat ka kangan

    ek suhagani ban kar chhai jati hai jogan

    qumqume jale ghar ghar raushni hai paT paT par

    le ke koi mangal-ghaT chha gaya hai ghaT ghaT par

    raushni karo lekin farz par na aanch aae

    ho nigah sima par aur kan aahaT par

    hoshiyar un se bhi jo nigah phere hain

    pak hi nahin tanha aur bhi luTere hain

    chhoD apni napaki ya badal de apni dhun

    maut lega ya jiwan do mein jis ko chahe chun

    hum hain krishn ki lila hum hain wir bhaarat ke

    hum nakul hain hum sahdew hum hain bhim hum arjun

    daropdi se durghaTna dur kar ke chhoDenge

    ai samay ke duryodhan chur kar ke chhoDenge

    qabr ho samadhi ho sab ko jagmagaenge

    dhum se shahidon ka sog hum manaenge

    tum se kaam lena hai hum ko dip-malao

    sare dip ki lau se dil ki lau baDhaenge

    sab se garmiyan le kar sine mein chhupana hai

    dil ko is diwali se agni bam banana hai

    Source :
    • Book : Kulliyat-e-Nazeer Banarasi (Pg. 168)
    • Author : Nazir Hussain Khan
    • Publication : Educational Publishing House, Delhi (2014)
    • Edition : 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY