diwali

Shaad Aarfi

diwali

Shaad Aarfi

MORE BY Shaad Aarfi

    ho rahe haiñ raat ke diyoñ ke har ehtimām

    sub.h se jalva-numā hai aaj dīvālī shaam

    ho chukī ghar ghar sapedī dhul rahī haiñ nāliyāñ

    phirtī haiñ kūchoñ meñ miTTī ke khilaune vāliyāñ

    bholī-bhālī bachchiyāñ chanDol paapā kar magan

    apnī guḌiyoñ ke gharoñdoñ meñ sajī hai anjuman

    rasm in hikmatoñ ko kaun kah degā fuzūl

    rakh diye haiñ Thīkroñ meñ ḳhāna-dārī ke usuul

    jiit meñ har shaḳhs vo nau-ḳhez ho puḳhta-kār

    haar se inkār lab-hā-e-masarrat par nisār

    sard mausam laḌakpan garm chūlhoñ par shabāb

    barf meñ saaqī lagā laayā hai mīnā-e-sharāb

    abḳhare ban kar kaḌhā.ī par havā lahkī huī

    har galī pakvān bū-bās se mahkī huī

    ghī tuḌā kar paas vāloñ ḳhabar letā huā

    char se shāloñ par Tapak jaane se detā huā

    adh-jale īñdhan āñkhoñ meñ dhuāñ bhartā huā

    nargis-e-shahlā meñ sīmāb-e-ḳhizāñ bhartā huā

    nek-dil patnī hissa hai musībat jhelnā

    pūriyāñ talne pas-manzar hai pāpaḌ belnā

    halva-e-be-dūdh thāloñ bahr-e-be-karāñ

    kashtiyāñ bahtī haiñ aa rahī haiñ mohriyāñ

    sālimoñ ke saath haiñ TuuTe khilaune khānd ke

    mor sar sher dhaḌ paañv ġhā.eb saanD ke

    sahn meñ kheleñ batāshe abr se barse hue

    bartanoñ ke paas pattal raat ke parse hue

    kho ga.ī haiñ kaam ke andar kuñvārī laḌkiyāñ

    saath vo ham-joliyāñ bhī aa.ī haiñ jo mehmāñ

    ek nāzuk uñgliyoñ se devte dhotī huī

    dūsrī dho.e huoñ ko chun ke ḳhush hotī huī

    aur gaḌvā tīsrī aafat par-kālā liye

    battiyāñ baTtī hai chauthī ruuī gaalā liye

    pāñchveñ har diye tartīb se dhartī chalī

    aur chhaTī battī sajā kar tel se bhartī chalī

    ye jhamakkā kar chukā ārāsta jab taaq duur

    sahn se ziine pe dauḌā aur pahuñchā baam par

    oḌh kar kamlī savād-e-shām niklā sharq se

    jūñhī rū-kārāoñ pe chhāyā thoḌe thoḌe farq se

    shaam gesū khulī āñkhoñ pe jaadū kar gayā

    bujh ga.ī sham-e-shafaq nazroñ meñ kohrā bhar gayā

    tuur jalva charāġhoñ meñ simaT kar rah gayā

    aañkh malnā thī ki nazzāra palaT kar rah gayā

    raushnī meñ sāriyoñ ke rañg lahrāne lage

    muḳhtalif āñchal havā ke ruḳh pe bal khāne lage

    ye dīvālī ke manāzir ye nigāheñ kāmyāb

    ilāhī qayāmat bar na aayad āftāb

    ho rahe hain raat ke diyon ke har su ehtimam

    subh se jalwa-numa hai aaj diwali ki sham

    ho chuki ghar ghar sapedi dhul rahi hain naliyan

    phirti hain kuchon mein miTTi ke khilaune waliyan

    bholi-bhaali bachchiyan chanDol papa kar magan

    apni guDiyon ke gharondon mein saji hai anjuman

    rasm ki in hikmaton ko kaun kah dega fuzul

    rakh diye hain Thikron mein KHana-dari ke usul

    jit mein har shaKHs wo nau-KHez ho ya puKHta-kar

    haar se inkar lab-ha-e-masarrat par nisar

    sard mausam ka laDakpan garm chulhon par shabab

    barf mein saqi laga laya hai mina-e-sharab

    abKHare ban kar kaDhai par hawa lahki hui

    har gali pakwan ki bu-bas se mahki hui

    ghi tuDa kar pas walon ki KHabar leta hua

    char se shaalon par Tapak jaane se bu deta hua

    adh-jale indhan ka aankhon mein dhuan bharta hua

    nargis-e-shahla mein simab-e-KHizan bharta hua

    nek-dil patni ka hissa hai musibat jhelna

    puriyan talne ka pas-manzar hai papaD belna

    halwa-e-be-dudh ki thaalon ka bahr-e-be-karan

    kashtiyan bahti hain ya aa ja rahi hain mohriyan

    salimon ke sath hain TuTe khilaune khand ke

    mor ka sar sher ka dhaD panw ghaeb sanD ke

    sahn mein khelen batashe abr se barse hue

    bartanon ke pas pattal raat ke parse hue

    kho gai hain kaam ke andar kunwari laDkiyan

    sath wo ham-joliyan bhi aai hain jo mehman

    ek nazuk ungliyon se dewte dhoti hui

    dusri dhoe huon ko chun ke KHush hoti hui

    aur gaDwa tisri aafat ki par-kala liye

    battiyan baTti hai chauthi rui ka gala liye

    panchwen har su diye tartib se dharti chali

    aur chhaTi batti saja kar tel se bharti chali

    ye jhamakka kar chuka aarasta jab taq dur

    sahn se zine pe dauDa aur pahuncha baam par

    oDh kar kamli sawad-e-sham nikla sharq se

    junhi ru-karaon pe chhaya thoDe thoDe farq se

    sham ka gesu khuli aankhon pe jadu kar gaya

    bujh gai sham-e-shafaq nazron mein kohra bhar gaya

    tur ka jalwa charaghon mein simaT kar rah gaya

    aankh malna thi ki nazzara palaT kar rah gaya

    raushni mein sariyon ke rang lahrane lage

    muKHtalif aanchal hawa ke ruKH pe bal khane lage

    ye diwali ke manazir ye nigahen kaamyab

    ya ilahi ta qayamat bar na aayad aaftab

    Source:

    • Book : Kulliyat-e-Shad Aarfi (Pg. 241)
    • Author : Muzaffar Hanfi
    • Publication : National Academy Delhi (1975)
    • Edition : 1975
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY