diwar-e-girya

vaqt kī bhaTkī huī arvāh kā nauha huuñ maiñ

ret kī alvāh par kunda koī madfūn din

madqūq din

be-sarāhat ḳhvāb kī tafhīm meñ

hairān o sargardāñ huuñ maiñ

apne andar

ik azā-ḳhāna sajāne kī tag-o-dau

roz ik dīvār-e-girya ko uThāne kī mashaqqat

aur pas-e-dīvār jaane kī tag-o-dau

waqt ki bhaTki hui arwah ka nauha hun main

ret ki alwah par kunda koi madfun din

madquq din

be-sarahat KHwab ki tafhim mein

hairan o sargardan hun main

apne andar

ek aza-KHana sajaane ki tag-o-dau

roz ek diwar-e-girya ko uThane ki mashaqqat

aur pas-e-diwar jaane ki tag-o-dau