dil hasin hai to mohabbat bhi hasin paida kar

Jigar Moradabadi

dil hasin hai to mohabbat bhi hasin paida kar

Jigar Moradabadi

MORE BY Jigar Moradabadi

    pahle to husn-e-amal husn-e-yaqīñ paidā kar

    phir isī ḳhaak se firdaus-e-barīñ paidā kar

    yahī duniyā ki jo but-ḳhāna banī jaatī hai

    isī but-ḳhāne se ka.abe zamīñ paidā kar

    rūh-e-ādam nigarāñ kab se hai terī jānib

    uTh aur ik jannat-e-jāved yahīñ paidā kar

    ḳhas-o-ḳhāshāk-e-tavahhum ko jalā kar rakh de

    ya.anī ātish-kada-e-soz-e-yaqīñ paidā kar

    ġham mayassar hai to is ko ġham-e-kaunain banā

    dil hasīñ hai to mohabbat bhī hasīñ paidā kar

    āsmāñ markaz-e-taḳh.īl-o-tasavvur kab tak

    āsmāñ jis se ḳhajil ho vo zamīñ paidā kar

    dil ke har qatre meñ tūfān-e-tajallī bhar de

    batn-e-har-zarra se ik mahr-e-mubīñ paidā kar

    bandagī yuuñ to hai insān fitrat lekin

    naaz jis pe kareñ sajde vo jabīñ paidā kar

    pastī-e-ḳhāk pe kab tak tirī be-bāl-o-parī

    phir maqām apnā sar-e-arsh-e-barīñ paidā kar

    ishq zinda o pā.inda haqīqat hai 'jigar'

    ishq ko aam banā zauq-e-yaqīñ paidā kar

    pahle to husn-e-amal husn-e-yaqin paida kar

    phir isi KHak se firdaus-e-barin paida kar

    yahi duniya ki jo but-KHana bani jati hai

    isi but-KHane se kabe ki zamin paida kar

    ruh-e-adam nigaran kab se hai teri jaanib

    uTh aur ek jannat-e-jawed yahin paida kar

    KHas-o-KHashak-e-tawahhum ko jala kar rakh de

    yani aatish-kada-e-soz-e-yaqin paida kar

    gham mayassar hai to is ko gham-e-kaunain bana

    dil hasin hai to mohabbat bhi hasin paida kar

    aasman markaz-e-taKHil-o-tasawwur kab tak

    aasman jis se KHajil ho wo zamin paida kar

    dil ke har qatre mein tufan-e-tajalli bhar de

    batn-e-har-zarra se ek mahr-e-mubin paida kar

    bandagi yun to hai insan ki fitrat lekin

    naz jis pe karen sajde wo jabin paida kar

    pasti-e-KHak pe kab tak teri be-baal-o-pari

    phir maqam apna sar-e-arsh-e-barin paida kar

    ishq hi zinda o painda haqiqat hai 'jigar'

    ishq ko aam bana zauq-e-yaqin paida kar

    Source:

    • Book: Kulliyat-e-jigar (Pg. 186)
    • Author: Jigar Muradabadi
    • Publication: Educational Publishing House (2011)
    • Edition: 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites