dilli pe qurban
bahār-e-be-ḳhizāñ dillī pe qurbāñ
nishāt-e-jāvedāñ dillī pe qurbāñ
shamīm-e-gulsitāñ dillī pe qurbāñ
zamīn-o-āsmāñ dillī pe qurbāñ
mirā dil merī jaañ dillī pe qurbāñ
yahāñ har ḳhaar sarv-o-yāsman hai
yahāñ har jaada āġhosh-e-chaman hai
yahāñ har zarra sūrat kī kiran hai
nujūm-o-kahkashāñ dillī pe qurbāñ
mirā dil merī jaañ dillī pe qurbāñ
mahaktī vādiyāñ rañgīñ nazāre
nazāroñ meñ mohabbat ke ishāre
suhānī sub.h jamunā ke kināre
ḳhum-e-āb-e-ravāñ dillī pe qurbāñ
mirā dil merī jaañ dillī pe qurbāñ
vo ThanDī raat vo aariz vo gesū
fazā meñ pur-fishāñ sāñsoñ kī ḳhushbū
nashīlī karvaTeñ maḳhmūr pahlū
sharāb-e-arġhavāñ dillī pe qurbāñ
mirā dil merī jaañ dillī pe qurbāñ
salone hoñT aur va.ade suhāne
nigah ma.asūm aur kamsin nishāne
mahakte jism ḳhushbū ke ḳhazāne
chaman-zār-e-jināñ dillī pe qurbāñ
mirā dil merī jaañ dillī pe qurbāñ
mire ahd-e-mohabbat kī nishānī
salonī sāñvlī gul-rañg dhānī
yahāñ gum ho ga.ī merī javānī
dil-e-kaun-o-makāñ dillī pe qurbāñ
mirā dil merī jaañ dillī pe qurbāñ
bahaar-e-be-KHizan dilli pe qurban
nishat-e-jawedan dilli pe qurban
shamim-e-gulsitan dilli pe qurban
zamin-o-asman dilli pe qurban
mera dil meri jaan dilli pe qurban
yahan har KHar sarw-o-yasman hai
yahan har jada aaghosh-e-chaman hai
yahan har zarra surat ki kiran hai
nujum-o-kahkashan dilli pe qurban
mera dil meri jaan dilli pe qurban
mahakti wadiyan rangin nazare
nazaron mein mohabbat ke ishaare
suhani subh jamuna ke kinare
KHum-e-ab-e-rawan dilli pe qurban
mera dil meri jaan dilli pe qurban
wo ThanDi raat wo aariz wo gesu
faza mein pur-fishan sanson ki KHushbu
nashili karwaTen maKHmur pahlu
sharab-e-arghawan dilli pe qurban
mera dil meri jaan dilli pe qurban
salone honT aur wade suhane
nigah masum aur kamsin nishane
mahakte jism KHushbu ke KHazane
chaman-zar-e-jinan dilli pe qurban
mera dil meri jaan dilli pe qurban
mere ahd-e-mohabbat ki nishani
saloni sanwli gul-rang dhani
yahan gum ho gai meri jawani
dil-e-kaun-o-makan dilli pe qurban
mera dil meri jaan dilli pe qurban
Source:
Naye Tarane (Pg. 152 (e) 152 )
- Author: Izhaar Malihabadi
-
- Edition: 1953
- Publisher: Kakul Kitab Ghar, Mumbai
- Year of Publication: 1953
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
